ՇՏԱՊ. Հենց հիմա խլում են Գեւորգ Գեւորգյանից՝ իր ռազմահայրենասիրական կենտրոնի տարածքը

«Իրավունք»-ի տեղեկությունների համաձայն, հենց հիմա Պետական գույքի կառավարման կոմիտեն ու ոստիկանությունը գործողություն է իրականացնում  արցախյան բոլոր պատերազմների մասնակից, ռազմական-քաղաքական գործիչ ԳԵՎՈՐԳ ԳԵՎՈՐԳՅԱՆԻՑ խլելով Մոսկովյան 5 հասցեում գտնվող տարածքը, որտեղ նա արդեն շուրջ 13 տարի է իրականացնում է հայրենասիրական գործունեություն եւ ստեղծել է երիտասարդական կենտրոն: Ավելին՝ հայտնվել է նաեւ ո՛չ ավել, ո՛չ պակաս արցախցի սեփականատեր: Այո՛, տարածքն, ըստ էության, վաճառել են՝ առանց Գեւորգ Գեւորգյանին տեղեկացնելու:

Հիշեցնենք, որ տարածքը գտնվում էր ՀՀ պաշտպանության նախարարության բալանսում եւ անհատույց տրամադրվել էր Գեւորգյանին, որտեղ նա «Ազգ-բանակ» հայեցակարգի շրջանակում իրականացնում էր ռազմամարտական ուսուցման համապարփակ ծրագիր՝ երիտասարդների համար: Ի դեպ, ժամանակին կենտրոնը բացվել էր մեծ շուքով՝ Արցախի հերոսներ Արցախի թեմի հոգեւոր առաջնորդ Գերաշնորհ Պարգեւ արքեպիսկոպոս Մարտիրոսյանի, Արկադի Տեր-Թադեւոսյանի, ինչպես նաեւ այն ժամանակվա պաշտպանության նախարար Վիգեն Սարգսյանի եւ Կրթության եւ գիտության նախարար Լեւոն Մկրտչյանի մասնակցությամբ:

Կենտրոնն իրականացնում էր զորակոչային նախապատրաստական դասընթացներ, այնուհետեւ նույն տարածքում ստեղծվել է «Հայ ազգային ճակատ» հայրենասիրական կազմակերպությունը: Սակայն, 2019 թվականից տարածքն այլեւս գտնվում է Պետական գույքի կառավարման կոմիտեի բալանսում եւ, ըստ շրջանառվող լուրերի, կոմիտեն մտադիր է վերոնշյալ տարածքը հանձնել Մարդու իրավունքների պաշտպանի գրասենյակին, մինչդեռ այլեւս իրողություն է, որ տարածքը, պարզապես, վաճառվել է:

Ուշագրավ է այն, որ այս տարիների ընթացքում տարածքը կապիտալ վերանորոգվել է, համապատասխանեցվել մարզական-երիտասարդական կենտրոնի գործունեության համար եւ առ այսօր պահպանվել է Գեւորգ Գեւորգյանի անձնական միջոցների հաշվին, մինչդեռ Պետգույքի կառավարման կոմիտեն ոչ թե բանակցել է գոնե փոխհատուցում տալու մասին, այլ «չորով» տարածքը խլում է:

ՀՐԱՆՏ ՍԱՐԱՖՅԱՆ

Այս թեմայով Մեքենայի մեջ մաhացած է հայտնաբերվել հայ-թուրքական հանդիպումների թարգմանիչ Գևորգ Կալոշյանը Հայաստանում քաղաքական հայացքի համար աշխատանքից չեն ազատվում. Գևորգ Պապոյան Ամեն դեպքում, խոսե՛ք, ասեք՝ ո՞նց մեզ սպանեցիք, հանուն ինչի՞ սպանեցիք. Զոհված հերոսի մայր Հայտնի է, թե ինչու է արգելվել Լապշինի մուտքը ՀՀ Տրիգոն դիրքավորում ունի. Ինչ է սպասվում ՀՀ վարչապետին այս ամիս