Գիտնականները հայտնաբերել են պարզ միջոց սրտանոթային համակարգի առողջությունը պահպանելու համար

Պորտու Ալեգրիի կլինիկական հիվանդանոցի գիտնականները պարզել են, որ ծիծաղն օգնում է պահպանել սրտամկանի առողջությունը: Հետազոտության արդյունքների մասին գրել է Daily Mail պարբերականը։

Հետազոտության շրջանակներում գիտնականները վերլուծել են սրտի իշեմիկ հիվանդությունով 26 մեծահասակի տվյալները։ Կամավորները բաժանվել են երկու խմբի, որոնցից առաջինի անդամները երեք ամիս կատակերգություններ են դիտել, իսկ երկրորդի անդամները՝ վավերագրական ֆիլմեր։ Գիտափորձից առաջ ու հետո գիտնականները ստուգել են կամավորների սրտանոթային համակարգի առողջական վիճակը։

Պարզվել է, որ առաջին խմբի կամավորների մոտ գիտափորձից հետո 10 տոկոսով բարձրացել է այն թթվածնի մակարդակը, որը նրանց սրտամկանը մատակարարում է օրգաններին։ Բացի այդ, մեծացել է նաև զարկերակների ճկունությունը, նվազել է բորբոքումների մասին վկայող կենսաբանական մարկերների մակարդակը և անոթներում խոլեստերինային վահանիկների քանակությունը։ Բժիշկների խոսքով՝ սա ապացուցում է, որ ծիծաղն օգնում է նվազեցնել բորբոքումների մակարդակն ու սրտամկանի ինֆարկտի և գլխուղեղի կաթվածի հավանականությունը։

Գիտնականներն ընդգծել են, որ ծիծաղի ժամանակ օրգանիզմում էնդորֆիններ են արտազատվում, որոնք նվազեցնում են բորբոքումների մակարդակն ու օգնում են սիրտամկանին ու արյունատար անոթներին հանգստանալ, իսկ սթրեսի հորմոնների մակարդակը, ընդհակառակը, նվազում է։

Այս թեմայով Ուղեգրումների սահմանափակումը կարող է հանգեցնել հիվանդների ուշացած հոսպիտալացման, բժիշկները կարող են խուսափել որոշումներ կայացնելուց Ես տեսել եմ, թե ինչպես է մի փոքր սխալը վերածվում կյանքի դատավճռի.Բացահայտում ենք «Խեղված ճակատագրեր» հոդվածաշարի ստեղծման մեխանիկան 19 000 դրամ ստացող բժիշկ կա. նամակ ենք հանձնում ԱԺ-ին՝ ապահովագրության մասին լսումներ թող հրավիրեն «Շտապօգնության» բժիշկների, բուժքույրերի ու վարորդների աշխատավարձը կբարձրանա», «Ամենակարևոր մասն էր» Բժիշկներին հաջողվել է փրկել հիվանդանոց տեղափոխված՝ շնչահեղձ լինող 2-ամյա տղայի կյանքը