Զառա Մխեյանը ներկայացնում է «Ձյունե թագուհու պատմությունը» նոր ներկայացումը սառույցի վրա

Պրոդյուսեր Զառա Մխեյանը ներկայացնում է «Ձյունե թագուհու պատմությունը» նոր ներկայացումը սառույցի վրա, որը գեղասահքի, թատրոնի, վոկալի, երաժշտության և կրկեսի յուրահատուկ սիներգիա է:

Սառույցի վրա գործողությունները կընթանան հիանալի և տաղանդավոր կոմպոզիտոր Էդգար Գյանջումյանի երաժշտության ներքո: Նրա հետ կաշխատեն Թաթոս Գարեգինի Հակոբյանը՝ երաժիշտ, ով մեղեդին պարուրում է երաժշտական «հյուսվածքով» և հնչյունային ռեժիսոր Սերգեյ Տիգրանի Գասպարյանը: Էդգար Գյանջումյանի հրաշագեղ երաժշտությունն արտահայտիչ է, հուզախառն, հոգեհարազատ և հիշվող:

Նախագծին մասնակցում են «Կամերտոն» վոկալ ստուդիայի սաներ՝ Նաիրա Գյուրջինյանի ղեկավարությամբ, հայտնի երգչուհի Զարուհի Բաբայանի սանը, դասատու Գայանե Էլիզբարյանի սաները, այսպիսով՝ Արթուր Դեմիրճյանը կկատարի «I will melt the ice» (Գերդայի երգը), «Gerda and the princess and prince song», «We're together forever» (Կայի և Գերդայի երգը), Գագիկ Միսկարյանը ելույթ կունենա «We're together forever» երգով, Մերի Հակոբյանը՝ «Robbers song» երգով: Արին Աժանդը կկատարի «Gerda and the princess and prince song» երգը, Դավիթ Հակոբյանը՝ «Gerda and the princess and prince song» երգը, իսկ Անուշ Միքայելյանը կկատարի «Stay with as» երգը («Flower queen's song»):                 

Շոուի եզրափակիչ՝ «Ice Crystal» ստեղծագործությունը կկատարի հայտնի երգչուհի, բազմաթիվ երգերի հեղինակ, ՌԴ Առաջին ալիքի «Ձայնը» նախագծի առաջին եթերաշրջանի եզրափակիչ փուլի մասնակից Մարգարիտա Պոզոյանը: Մարգարիտային վաղուց արդեն համարում են «ռուսական Ուիթնի Հյուսթոն»։ Նա բազմաթիվ երաժշտական մրցույթների հաղթող է, «Միջազգային դելֆյան խաղերի» ոսկե մեդալակիր և «Եվրատեսիլի» ընտրական փուլի եզրափակչի մասնակից, ինչպես նաև՝ JazzPort նախագծի մասնակից: Երգչուհու անցած ուղին ներառում է հարյուրավոր ելույթներ և տասնյակ մենահամերգներ։ 2019 թվականին երգչուհին թողարկել է իր առաջին ալբոմը, որը կոչվում էր «#1» ։ Նրա գլխավոր հիթերից մեկը՝ «Քույրը՝ հոգով» երգն իսկապես դարձել է միջազգային, քանի որ մեծ ժողովրդականություն է վայելում ոչ միայն հայ ժողովրդի, այլև այլ ազգերի ներկայացուցիչների շրջանում։

Նախագծին մասնակցում են Հայաստանի տաղանդավոր գեղասահորդների, միջազգային մրցումների մրցանակակիրների և Եվրոպայի չեմպիոնների մի ամբողջ աստղաբույլ:

Հանդիսատեսը փոքրիկ ու խիզախ Գերդայի հետ հետաքրքրաշարժ ճանապարհորդության կմեկնի դեպի Ձյունե թագուհու սառցե թագավորությունը՝ հանդիպելու նոր ընկերների և վտանգավոր արկածների: Բարությունն ու անկեղծությունն անպայման կհալեցնեն սառույցը պաղ սրտերում՝ դրանք լցնելով երջանկությամբ, սիրով և խինդով:

Այս թեմայով Սոֆի Մխեյանի ելույթը, համերգային ծրագրից հանվել է Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Խնդրում ենք վարչապետին քայլեր ձեռնարկել քաղաքային բյուջեն հոր «դուքյանի» վերածած համայնքապետից մեզ ազատելու համար. Ահազանգում են վայքեցիները Երգչուհի Զառան հուզիչ գրառում է արել որդիների մասին Որտե՞ղ էիք այն ժամանակ, երբ Մանվել Գրիգորյանին պետք էր ոչ թե հետմահու հերոսացնել, այլ կենդանի. Բացառիկ հարցազրույց գեներալի հայտնի փաստաբանի հետ