Ոստիկանությունը զգուշացնում է՝ խուսափե՛լ կասկածելի շահավետ առաջարկներից

Ինտերնետային տարբեր կայքերում բազմաթիվ են տարատեսակ հայտարարությունները, որով քաղաքացիներին առաջարկում են կատարել ներդրում և ստանալ գերշահույթ: Այդպիսի կայքերի վերաբերյալ տեղեկությունները ակտիվորեն գովազդվում են հատկապես Ֆեյսբուք սոցիալական կայքում և տելեգրամյան հարթակում:

ՆԳՆ ոստիկանությունը զգուշացնում է, որ այդ հայտարարություններին չպետք է վստահել։ 

«Այդպիսի կայքերում լրացնելով ձեր հեռախոսահամարը, ձեզ հետ բավական արագ հայկական կամ արտասահմանյան հեռախոսահամարով կապ կհաստատեն զեղծարարների զանգերի կենտրոնից, կառաջարկեն գումարային ներդրում կատարել կրիպտոարժույթի կամ այլ ոլորտում, կվստահեցնեն, որ իրենք ձեզ համար կապահովեն գերշահույթ։

Մի՛ շտապեք կատարել ներդրումներ, ստացե՛ք խորհրդատվություն` զանգահարելով 011 52 52 52՝ ՆԳՆ ինտերնետային խարդախություններով թեժ գծի հեռախոսահամարին (թեժ գիծը գործելու է աշխատանքային օրերին՝ ժամը 09։00-ից 18։00-ն)։

Պարզապես հիշե՛ք, տրվելով գրավիչ առաջարկություններին՝ մեծ է հավանակությունը, որ կկրեք գումարային մեծ կորուստներ»,- նշում են ՆԳՆ ոստիկանությունից։ 

https://youtu.be/u8uCXwCw6B4?si=lM4h7PuyUXeRL4Um

Այս թեմայով Իրականում ում համար է «վիզ դրել» «ստավկաների» սիրահար նախկին համայնքապետը․ «Իրավունք» Ինչ է հայտնաբերվել 42-ամյա գյումրեցու տանը Արտառոց դեպք՝ Արմավիրի մարզում․ 65-ամյա սկեսրայրը դիմել է ոստիկանություն և հայտնել՝ 10 օր է հարս են բերել, սակայն նա գողացել է ոսկյա զարդերը ու փախել 47-ամյա բռնակոթցու այգին էլ առաջվանը չէ. ՔՐԵԱԿԱՆ ՔՐՈՆԻԿՈՆ Ինչ էր թաքցրել բաղրամյանցին տան բակում գտնվող անիվների մեջ. ՔՐԵԱԿԱՆ ՔՐՈՆԻԿՈՆ