Ամենափրկիչ եկեղեցու վերաօծմանը «ժողջան» ասելով՝ ՀՀ վարչապետի պաշտոնը զավթածը ժողովրդի հետ տաճարում չէր...

Տոնածառ... Գագաթին էլ աստղ... Արդյո՞ք դեկտեմբերի 8-ի երեկոյան մայրաքաղաք Երեւանի կենտրոնում գտնվող ներկաները հասկանում էին, թե ո՞ր ՏՈՆԻ կապակցությամբ է դրվում ՏՈՆԱ ԾԱՌԸ եւ ի՞նչ խորհուրդ է այն կրում.. Ավաղ, մեր Տեր Հիսուսի Ծննդյան խորհուրդը (Կաթոլիկ Եկեղեցին նշում է դեկտեմբերի 25-ին, Հայ Առաքելական Եկեղեցին` հունվարի 6-ին, Ռուս Ուղղափառ Եկեղեցին` հունվարի 7-ին) օգտագործվում է սատանա փնտրողների կողմից, ովքեր նույնիսկ ԱՐՀԱՄԱՐՀԵՑԻՆ Գյումրիում Ամենափրկիչ եկեղեցու ՎԵՐԱՕԾՄԱՆ արարողությունը... Այո՛, դեկտեմբերի 7-ին, զարհուրելի երկրաշարժից 36 տարի անց, նորակառույց Ամենափրկիչ եկեղեցին ՎԵՐԱՕԾՎԵՑ, եւ այդ ՎԵՐԱՕԾՈՒՄԸ իր մեջ կարծես ազգի ՎԵՐԱԾՆՆԴԻ խորհուրդ էր կրում... Սուրբ Պատարագից հետո մասնակցությամբ Էջմիածնից ժամանած հոգեւոր դասի եւ Ամենայն Հայոց Կաթողիկոս Ն.Ս.Օ.Տ.Տ. Գարեգին Երկրորդի գլխավորությամբ հոգեհանգստի կարգ կատարվեց 1988 թ. դեկտեմբերի 7-ի երկրաշարժից զոհվածների հոգիների համար...

 

Սակայն այդ օրը Հայաստանի Հանրապետության կարեւոր պաշտոններից մեկը զբաղեցնող անձը, ով «ժողջան» ասելով զավթեց ՀՀ վարչապետի պաշտոնը, ժողովրդի հետ տաճարում չէր... Անտարբեր լինելով ազգի թե՛ ողբին, թե՛ ուրախությանը, նա իր այցով Գյումրի տհաճ իրարանցում ստեղծեց նույնիսկ տաճարից դուրս` Գյումրվա փողոցներում... Նույնիսկ մի քանի հատ տնական ձու վաճառող զառամյալ տատիկները ՀԵՌԱՑՎԵԼ էին իրենց քաղաքի փողոցներից... Հավանաբար, «ժողովրդի սերը վայելող վարչապետի» охрана-ն մտավախություն ուներ, որ ձվերը կարող են նռնակի դեր խաղալ ու լղոզել «ժողվարչապետի» թանկարժեք костюм-ը...

 

Եվ այդ ամբողջ իրարանցումը ուներ ընդամենը մեկ նպատակ` դեկտեմբերի 7-ին նկարվել ծաղկեպսակների մոտ... Եվ այսպես, անմիջապես Ամենափրկիչ եկեղեցու ՎԵՐԱՕԾՄԱՆ եւ ՀՈԳԵՀԱՆԳՍՏԻ կարգի ավարտից հետո, ԵԿԵՂԵՑՈՒՑ ԴՈՒՐՍ` հարավային պատի մոտակայքում, շրջապատված հայտնի зонтик-ներով ու портфель-ներով իրեն ամենուր ուղեկցող охранник-ներով, նաեւ Երեւանի՛ց բերված ոստիկաններով, հայտնի զույգը մի հատ ձեւական «ծիկ» արեց ծաղկեպսակների մոտ` իբրեւ «հարգեց» զոհերի հիշատակը... Այսպես լուրերի թողարկման համար ստացվեց միամիտ ժողովրդին խաբելու անհրաժեշտ պատկերը...

 

Իսկ զույգը դրանից անմիջապես հետո ԹՌԱՎ Փարիզ` 2019 թ. ապրիլի 15-ին այրված Նոտր Դամ տաճարի բացման արարողությանը ՆԵՐԿԱ լինելու պատրվակով...

Սակայն պետական բյուջեի գումարները վատնվեցին ընդամենը մեկ նպատակով` հիմա էլ Փարիզո՛ւմ մի երկու հատ «ծիկ» անելով ֆոտոներ ստանալ «ԱՄՆ ընտրված նախագահ Դոնալդ Թրամփի եւ Ֆրանսիայի նախագահ Էմանուել Մակրոնի» ու միլիարդատեր «Իլոն Մասկի հետ»...

 

Զարմանալի զուգադիպությամբ այդ օրը թուրքական եւ իսրայելական տանկերը ներխուժեցին Սիրիայի տարածք, հավանաբար արձագանքելով Ֆրանսիայի նախագահ Մակրոնի արած կոչին. «Հարգել Սիրիայի ինքնիշխանությունն ու տարածքային ամբողջականությունը»... Երեսպաշտների круиз-ը ավարտվեց ծես-հրավառությամբ Հայաստանի մայրաքաղաք Երեւանում... Հավանաբար, արդեն յոթերորդ տարին սատանային փնտրող սատանի ճտերը վերջապես գտան իրենց տիրոջը...