Եվգենի Հակոբյանին մերժել են տրամադրել ՀՀ քաղաքացիություն

Ղրղզստանում «Արարատ» հայկական համայնքի նախկին նախագահ, «Ղրղզստանի КВН» ակումբի նախագահ, Ղրղզստանի Հանրապետության մշակույթի վաստակավոր գործիչ, Ղրղզստանի կառավարության պետական ​​մրցանակի դափնեկիր Եվգենի Լվովի Հակոբյանին Հայաստանի Հանրապետության նախագահի հրամանագրով մերժել են տրամադրել ՀՀ քաղաքացիություն։

Ե. Հակոբյանի ենթադրությամբ` հնարավոր պատճառը այն է, որ իր մայրը կիսով չափ հայ է, չնայած հայրը` զտարյուն հայ է:

«Ես չգիտեմ, թե ով է ինձանից ավելի հայ: Եթե ինձ են մերժում տրամադրել քաղաքացիություն, ո՞ւմ է այն տրվում», - վրդովված է անվանի մշակույթի գործիչը: Նա նաև ընգծում  է. «Երեխաներիս մեծացնում եմ հայկական ավանդույթներով և ոգով։ Բացի այդ, Սփյուռքում զբաղվում եմ հայկական շահերի առաջմղմամբ։ Միգուցե ես սխա՞լ շահեր եմ քարոզում, եթե «հայ» չեմ»։

Ներկայումս Հակոբյանը խոշոր արդյունաբերական բիզնեսմեն է, և նա ծրագրում էր Ղրղզստանի և Հայաստանի միջև գործարար կապերի զարգացումը։

Հատկանշական է, որ Ե. Հակոբյանը Մոսկվայում ԴՆԹ թեստ է հանձնել, որը ցույց է տվել, որ նա 100 տոկոսով հայ է։

Հիշեցնենք, որ iravunk.com-ը հարցազրույց էր վերցրել Ե.Հակոբյանից, որտեղ նա մանրամասն պատմում է իր` որպես Ղրղզստանում հայկական համայնքի ղեկավարի գործունեության մասին։

Պատրաստեց՝ Զարուհի Բաբուխանյան

Այս թեմայով Ռուսաստանը Իրանին տրամադրել է արբանյակային տվյալներ՝ ամերիկյան բազաներին հարվածների համար. CNN Գեներալ, մի նեղացեք հայրենիքից, մի հրաժարվեք Հայաստանից. Հայտնի փաստաբանը դիմել ԽՍՀՄ գեներալին Հոգեբանական բարեկեցության ծրագիր ուսուցիչների համար. Լուսանկար Հովիկ Աբրահամյանի որդին, սպանված հովիվը և անհետացած 60 հազար դոլարը․ բացահայտում Ոտք չեմ դնի Ադրբեջան, քանի դեռ Ռուբեն Վարդանյանը բանտում է․ աշխարհահռչակ տնտեսագետը մերժել է ադրբեջանցիներին