Գիտնականները հայտնաբերել են գործոն, որը կապված է սրտանոթային համակարգի վիճակի վատթարացման հետ

Օուլուի համալսարանի գիտնականները (Ֆինլանդիա) պարզել են, որ քնի անկանոն ռիթմերը կապված են միջին տարիքի մարդկանց մոտ սրտանոթային համակարգի առողջության վատթարացման հետ: Հետազոտության արդյունքները ներկայացվել են Journal of Activity Sedentary and Sleep Behaviors (JASSB) ամսագրում:

Հետազոտությանն ընդհանուր առմամբ մասնակցել է 46 տարեկան շուրջ 3700 կամավոր, որոնք իրենց առողջական վիճակի և կենսակերպի մասին հարցաթերթիկներ են լրացրել, ինչպես նաև մասնակցել կլինիկական հետազոտությանը, որի ընթացքում չափվել է նրանց մարմնի զանգվածը, զարկերակային ճնշումը, արյան մեջ լիպիդների մակարդակը և գլյուկոզայի նկատմամբ հանդուրժողականությունը: Ֆիզիկական ակտիվությունն ու քնի ռիթմը ստուգելու համար կիրառվել են ակտիվությանը հետևող սարքեր, որոնք կամավորները կրել են դաստակի հատվածում՛:

Միջինում կամավորները պառկում էին քնելու երեկոյան 11-ին և արթնանում առավոտյան 07:00-ին՝ միջինում անկողնում անցկացնելով 8 ժամ: Մասնակիցների կեսի մոտ քնելու ժամը, անկողնում անցկացրած ժամանակը, ինչպես նաև արթնանալու ժամը շաբաթվա ընթացքում տատանվում էին առնվազն մեկ ժամով:

Գիտնականների խոսքով՝ քնելու ժամերի անկանոնությունը կապված է սրտանոթային հիվանդությունների զարգացման ու քաշի ավելացման հավանականության բարձրացման հետ:

Այս թեմայով «Ժողովուրդ». 18-ամյա Դավիթ Մինասյանի միջադեպից հետո Կենտրոնի քննչականում խառը վիճակ է «Փաստ». Հայաստանի ճանապարհներին սարսափելի վիճակ է. անտերության հետեւանքները Իրանական եվ ուկրաինական պատերազմները մեր տարածաշրջանում «պաուզային վիճակ» են ստեղծում Իշխանության գալով բացառվում է սեւն ու սպիտակը, հաշվեհարդարները, ու այդ ժամանակ աշխարհը կտեսնի ՀԱՅԻ Գենն ու միավորված ու Ուժը.ԴՕԿ կուսակցության շտաբի պետի հետ բացառիկ զրույց Ականատես ենք ստվերների շքերթի, որտեղ իրական որոշումների աղբյուրները մնում են անտեսանելի