ԴԵԿՏԵՄԲԵՐԻ 7-ԻՆ, ԳՅՈՒՄՐԻԻ «ՍՈՒՐԲ ԱՄԵՆԱՓՐԿԻՉ» ԵԿԵՂԵՑԻՆ ԿՎԵՐԱՕԾՎԻ

Գյումրիի «Սուրբ Ամենափրկիչ» եկեղեցին դեկտեմբերի 7-ին, 1988 թվականի սարսափելի երկրաշարժից 36 տարի անց կվերաօծվի ձեռամբ Ն. Ս. Օ. Տ. Տ. Գարեգին Ծայրագույն Պատրիարք և Ամենայն Հայոց Կաթողիկոսի։ Նշենք, որ այս տարի եկեղեցին տոնում է կառուցման հոբելյանական 150֊ամյակը ։Այսօր, դեկտեմբերի 5֊ին կատարվեց Սուրբ նավակատիքը, նորոգության առթիվ կատարվող եկեղեցական արարողությունը։ Դեկտեմբերի 7֊ին, Էջմիածնի Մայր Տաճարից Գյումրիի Սուրբ Ամենափրկիչ եկեղեցի կբերվի Փրկչի խաչափայտի մասունքը։ Այդ օրերին Շիրակի թեմը կհյուրընկալի բազմաթիվ ուխտավորների, որոնք ներկա կգտնվեն սրբազան տաճարի վերաօծման պատմական իրադարձությանը։

Հիշեցնենք, որ եկեղեցին կառուցվել է 1860֊ական թվականներին, Անիի Մայր տաճարի նմանությամբ։ Շինարարական աշխատանքները ավարտվել են 1873֊ին։ Ցավոք, եկեղեցին ավերվել էր 1988֊ի դեկտեմբերի 7֊ի սարսափելի երկրաշարժի ժամանակ ու երկրաշարժից 36 տարի անց, այն վերակառուցված, կրկին կվերաօծվի ու կբացի իր դռները բոլոր հավատացյալների առաջ, կկատարվեն պսակադրության, մկրտության արարողություններ։

ՀՈՎՀԱՆՆԵՍ ՍԱՐԳՍՅԱՆ

Այս թեմայով Զավեշտալի է տեսնել՝ ինչպես է Մեծ Բրիտանիայի պատգամավոր Էդվարդ Լեյը ԵԽԽՎ ամբիոնից պաշտպանում Հայ Առաքելական Եկեղեցուն Ո՛չ Կառավարությունը պետք է դառնա եկեղեցական ժողով, ո՛չ Եկեղեցին՝ կառավարություն Եկեղեցու բարեփոխումը և Եկեղեցու պետականացումը նույն բանը չեն. Տեր Հեթում 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Հայ Առաքելական եկեղեցին այսօր տոնում է Սուրբ Մարիամ. Աստվածածնի ծննդյան օրը. Սեպտեմբերի 8