Թույլ է տրվել արբանյակային ինտերնետ օգտագործել սմարթֆոններում

ԱՄՆ հեռահաղորդակցության դաշնային հանձնաժողովը SpaceX ընկերությանը թույլ է տվել օգտագործել Starlink արբանյակային ինտերնետը սմարթֆոններում՝ T-Mobile-ի հետ համագործակցությամբ, հայտնում է TechCrunch կայքը։

2022-ի ամռանը SpaceX-ը և T-Mobile-ը հայտարարեցին սմարթֆոնների վրա արբանյակային ինտերնետ գործարկելու նախագծի մասին՝ նշելով, որ նախատեսում են այն գործարկել 2023-ին: 2023-ի հոկտեմբերին ժամանակավորապես թույլտվություն տրամադրվեց այս տեխնոլոգիան կիրառել փոթորիկներից հետո արտակարգ հաղորդագրություններ ուղարկելու համար: Այժմ ԱՄՆ հեռահաղորդակցության դաշնային հանձնաժողովը ամբողջական թույլտվություն է տրամադրել Starlink-ն օգտագործելու համար:

ԱՄՆ-ում դեռ սահմանափակումներ կան արբանյակային բջջային կապի ծառայության համար, որը պետք է գործի որպես գոյություն ունեցող ցամաքային ծառայության ընդլայնում: 2023-ի գարնանը Starlink-ը հաջողությամբ փորձնական տեսազանգ է իրականացրել արբանյակային ինտերնետի միջոցով, իսկ հոկտեմբերին, T-Mobile-ի հետ միասին, հնարավորություն է տվել հարյուր հազարավոր տեքստային հաղորդագրություններ ուղարկել Հելեն և Միլթոն փոթորիկներից հետո:

Այս թեմայով Խաղաղությո՞ւն, թե՞ վախի կառավարում ԱՄՆ-ում սենատորներն առաջարկել են մշակել հարբած վարորդների ճանաչման տեխնոլոգիա Խոսքի ազատությունը խեղդելու նոր տեխնոլոգիա են ընտրել. Գեւորգ Պետրոսյան Microsoft-ը պատրաստ է Պենտագոնին փոխանցել ցանկացած տեխնոլոգիա Գիտնականները քաղցկեղի վաղ ախտորոշման նոր տեխնոլոգիա են մշակել