Շրջանառության հարկի ռեժիմից ԱԱՀ-ի ռեժիմ կանցնեն միայն իրավաբանական, ֆինանսական և հաշվապահական ծառայություն մատուցողները. Թունյան

ԱԺ-ում քննարկվում է Հարկային օրենսգրքում փոփոխություններ կատարելու փաթեթը, որը վերաբերում է նրան, որ մասնագիտական ծառայությունների որոշ տեսակներ շրջանառության հարկի ռեժիմից ԱԱՀ-ի ռեժիմ կտեղափոխվեն:

Նախագիծը ներկայացրեց տնտեսական հարցերի մշտական հանձնաժողովի նախագահ Բաբկեն Թունյանը:

Նա նշեց, որ լսելով կարծիքները որոշել են նախագծում կատարել փոփոխություններ: «Այդ փոփոխությունները 1-ին ընթերցման նախագծում դեռ չկան, զուտ տեխնիկապես չէինք հասցնի մինչև հանձնաժողովի նիստը մշակել:

Բայց անելու ենք փոփոխություններ ու փոխելու ենք նախագծի տրամաբանութունը: Թվարկված մասնագիտական ծառայութունների մեծ մասը չեն տեղափոխվի ԱԱՀ դաշտ»,- ասաց նա:

Թունյանի ներկայացմամբ՝ մյուսների համար կփոխվի միայն, որ եթե ընկերությունները ծառայություն կմատուցեն ԱԱՀ դաշտում աշխատող ընկերություններին, ապա դիմացի կողմը չի կարող այդ ձեռքբերումները ծախսագրել:

«Սա նաև արվում է այն նպատակով, որ մենք այդտեղ հնարավոր չարաշահումները կանխեք, որ խոշոր ընկերությունները չկարողանան արհեստական շրջհարկով աշխատողներ ստեղծեն»,- նշեց նա:

Թունյանի խոսքով՝ այս փոփոխությունները կարվեն առաջինից երկրորդ ընթերցման ժամանակ: «Ուզում եմ մեկ անգամ ևս նշել, երբ ասվում էր, որ այս փաթեթը վերաբերվում է 13 հազարից ավելի տնտեսվարողի, հիմա հստակ կարող ենք ասել, որ այդ տնտեսվարողների թիվը մի քանի անգամ ավելի քիչ կլինի: Դրա մեջ կմտնեն այս պահի դրությամբ եղած, մեր կանխավարկածով, հաշվապահական ծառայություններ մատուցողները, իրավաբանական ծառայություն մատուցողները և ֆինանսական խորհրդատվություն մատուցողները: Մնացած ընկերությունները ԱԱՀ դաշտ չեն տեղափոխվի»,- ընդգծեց պատգամավորը

Այս թեմայով Ինչ պատահեց, երբ Հռոմի պապը զանգահարեց բանկի հաճախորդների սպասարկման ծառայություն Մեդվեդև. Միայն անխուսափելի կորստի «կենդանական վախը» կկանխի Եվրոպայում կոտորածը Գումարը կընկնի երկնքից. 3 կենդանակերպի նշան, որոնք ֆինանսական հաջողություն կունենան մայիսի 4-10-ը ընկած շաբաթվա ընթացքում 27 տարեկան հասակում դարձավ երաժշտական դպրոցի հիմնադիր տնօրենը և իմ կյանքում բացառիկ դերակատարում ունեցավ. Հայտնի իրավապաշտպանի ուշագրավ գրառումը Հաջողությունը գալիս է, երբ աշխատանքին միանում են կարգապահությունը,պատասխանատվությունը, չհանձնվելը. Հայտնի փաստաբանի հաջողության բանաձեւը