Արհեստական ​​բանականությունը կարող է ախտորոշել Ալցհեյմերի հիվանդությունը մարդու ձայնի միջոցով․ հետազոտություն

Ամերիկացի գիտնականները պարզել են, որ արհեստական բանականությունը կարող է ֆիքսել մարդու ձայնի աննշան փոփոխությունները, որոնք ի հայտ են գալիս Ալցհեյմերի հիվանդության ամենավաղ փուլերում՝ այդ կերպ ախտորոշելով հիվանդությունը: Հետազոտության արդյունքները հրապարակվել են Alzheimer's & Dementia: Diagnosis, Assessment & Disease Monitoring ամսագրում:

Հետազոտության ընթացքում գիտնականները կենտրոնացել են լեզվական և ձայնային աննշան փոփոխությունների բացահայտման վրա, որոնք առկա են լինում Ալցհեյմերի հիվանդության վաղ փուլերում, սակայն չեն կարող նկատվել մարդու կողմից:

Հետազոտողներն օգտագործել են մեքենայական ուսուցման և բնական լեզվի մշակման (NLP) առաջադիմական գործիքներ 206 մարդու խոսքի կարողությունները գնահատելու համար: Բացի այդ, մասնակիցներն անցել են նաև մի քանի ստանդարտացված ճանաչողական թեստեր: Արդյունքում պարզվել է, որ նրանցից 114-ն ունեն ճանաչողական գործառույթների թույլ խանգարում, ինչը հետագայում մեծամասամբ հաստատվել է արհեստական բանականության կողմից:

Գիտնականները վստահ են, որ այս հայտնագործությունը թույլ կտա հայտնաբերել Ալցհեյմերի հիվանդությունը վաղ փուլերում, ինչի շնորհիվ հիվանդներն ու նրանց հարազատներն ավելի շատ ժամանակ կունենան ապագայի պլանավորման համար, իսկ բժիշկները կկարողանան բուժման ավելի ճիշտ մոտեցումներ մշակել։

Այս թեմայով Բարորակ եւ չարորակ գոյացությունները ռադիոլոգի աչքերով. Բացահայտում ենք «Բժշկի մոտ» Անտեսանելի հյուր կամ վտանգավոր թշնամի. «Հելիկոբակտեր պիլորի»-ի անդառնալի հետեւանքները Բոլորիդ սրտով է լինելու. Ով է հավակնում ԱԺ նախագահի պաշտոնին Շիրակի համալսարանում կրքերը թեժացել են. Մամուլում ահազանգերը չեն դադարում Բժիշկ Մալիշևան ասել է՝ ինչպես մարդու վրա մեկ հայացք գցելով հասկանալ, որ նա ուռուցք ունի