WhatsApp մեսենջերը կդադարի աշխատել միլիոնավոր iPhone-ում

WhatsApp մեսենջերը կդադարի աշխատել միլիոնավոր iPhone-ում ողջ աշխարհում 2025թ. մայիսի 5-ից։

Ինչպես տեղեկացրել է MacRumors պորտալը, հավելվածի լիարժեք աշխատանքի համար կպահանջվեն iPhone մոդելներ iOS 15.1 եւ ավելի բարձր կառավարմամբ։ Ընդ որում, անգամ iOS 15-ի բազային տարբերակը չի աջակցվի։ Այսպիսով, WhatsApp-ը կանջատեն iPhone 5s, iPhone 6 եւ iPhone 6 Plus-ի համար, որոնց համար վերջին տաբերակը iOS 12.5.7 օպերացիոն համակարգն էր։

Նշվել է, որ արդեն գոյություն ունեցող օգտահաշիվները կարելի կլինի շարունակել օգտագործել չաջակցվող սարքերում, բայց դրանք կզրկվեն թարմացման հնարավորությունից նոր գործառույթներով եւ անվտանգության միջոցներով, ինչը կմեծացնի կոտրումների հավանականությունը։

Բացի այդ, 2025թ. մայիսի 5-ից հետո չաջակցվող iPhone-ում հնարավոր չի լինի գրանցվել WhatsApp-ում։ Կարգավորումների մերժման, հավելվածի հեռացման կամ այլ սարքի վրա համարի աջակցման դեպքում օգտատերերը կկորցնեն իրենց օգտահաշիվների հասանելիությունը հին գաջեթներում։

Ներկայում մեսենջերն աշխատում է Android 5.0 կառավարմամբ սմարթֆոններում, որոնք թողարկվել են 2014թ. եւ հետո։ Միեւնույն ժամանակ, iPhone-ում WhatsApp-ի աշխատանքի համար կպահանջվի iOS 15, որը թողարկվել է 2021թ.։

Ինչպես տեղեկացրել է WABetaInfo պորտալը, հին օպերացիոն համակարգերից հրաժարումը կապված է այն բանի հետ, որ WhatsApp սերվիսը մշտապես զարգանում է։ Տարբեր գործառույթները, որոնք ներդնում են մշակողները, պահանջում են ավելի շատ հնարավորություններ սարքերից։ Բացի այդ, հին օպերացիոն համակարգերի օգտագործումը կարող է սպառնալ անվտանգությանը։

Այսպիսով, 2025թ. մայիսի 5-ից հետո աջակցությունից կզրկվեն հսկայական թվով սարքեր։ iPhone 6-ի եւ iPhone 6 Plus-ի ողջ պատմության ընթացքում, որոնք ներկայացվել են 2014թ., դրանք գնվել են 220 մլն անգամ, իսկ iPhone 5S-ը, որը թողարկվել է մեկ տարի առաջ, վաճառվել է ավելի քան 160 մլն անգամ։  Երեք մոդելները մտնում են ամենավաճառվող հեռախոսների եւ սմարթֆոնների թոփ-10-ում։ Հաշվի առնելով այն, որ, չնայած տարիքին, դեւայսները դեռ պիտանի են ոչ պահանջկոտ խնդիրների իրականացման համար, օգտատերերի ձեռքին դեռ կարող են լինել միլիոնավոր աշխատող սարքեր, որոնք կմնան առանց աշխարհում ամենատարածված մեսենջերի։

Այս թեմայով ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել Փաշինյանի առաջ Ալիև՞ն է պահանջ դրել, որ կառավարության երդման տեքստը փոփոխության ենթարկեք, կասկածե՞նք Արմեն Գրիգորյանին աշխատանք եմ առաջարկել վարչապետի աշխատակազմում. նախընտրել է դադար վերցնել. վարչապետ Էս Ալմաթիի հռչակագիրը, էս էլ` Տեր-Պետրոսյանի ստորագրությունը, ու՞ր ա պահանջ սահմանների մասին Բնությունը երբեք չի ճանաչել բացառություններ. Արցախցի փաստաբանը ազգային մարտահրավերների մասին