Պարզվում է Գյումրին առանց համայնքապետ էլ կարող էր նորմալ ապրել․ Միքայել Արքեպիսկոպոս Աջապահյանը հայրաքաղաքում առկա իրավիճակի մասին

Երեկ վարչապետ Նիկոլ Փաշինյանը հայտարարեց Գյումրիում դեկտեմբերի 8-ին, 9-ին և 10-ին նախնական ընտրություններ անցկացնելու մասին։ Այս միջոցով գյումրեցիները «Քաղաքացիական պայմանագիր» կուսակցությունից կամ համախոհներից կընտրեն քաղաքապետի ժամանակավոր պաշտոնակատար, որն էլ արտահերթ ընտրությունների ժամանակ կդառնա կուսակցության թեկնածուն։ Թեկնածուները կարող են նաև ինքնառաջադրվել։ Վարչապետի այս հայտարարությանը Գյումրիից դեռ արձագանքել են երկու ՔՊ-ականներ, մեկը՝ Ազգային ժողովի պատգամավոր Կարեն Սարուխանյանն է, որն իր կարծիքը հայտնել է ֆեյսբուքյան հարթակում, մյուսը՝ Գյումրու նախկին փոխքաղաքապետ Վահագն Մկրտչյանն է, Նիկոլ Փաշինյանի կնոջ մորաքրոջ թոռը։

Ում կընտրեն գյումրեցիները իշխանական թեկնածուներից փորձել ենք հետաքրքրվել Շիրակի թեմի առաջնորդ Միքայել Արքեպիսկոպոս Աջապահյանից, ով նախ նկատեց․

-Ում կընտրի գյումրեցին, թե ոչ ես չեմ կարող ասել, ես իմ մասին կարող եմ ասել։ Ես որեւէ մեկին չեմ պատրաստվում ընտրել, մնացածի մասին չեմ կարող ոչինչ ասել։

-Իսկ նախնական ընտրություններ երեւույթին մինչ այդ ականատես եղե՞լ եք։

-Ոչ, նման բան չի եղել, առաջին անգամ է նման բան կիրառվում Հայաստանում։ Դե հիմա ամերիկյան ստանդարտներով առաջնորդվում, Ամերիկայում են նման չափանիշներով ընտրություններ կազմակերպում։

-Իսկ ի՞նչ վիճակում է առանց համայնքապետ Գյումրին։

-Շատ նորմալ վիճակ է, ոչ մի արտառոց բան չկա, պարզվում է Գյումրին առանց համայնքապետ էլ կարողանում է նորմալ ապրել։

Այս թեմայով Միքայել Արամյանցի ներդրումն ու հետքը Բաքվի նավթարդյունաբերության զարգացման գործում Սերժ Սարգսյանի անունը հիշատակելով՝ հնարավոր չէ ջնջել սեփական քաղաքական անցյալը․ Միքայել Գրիգորյան Համացանցում տարածվող լուսանկարը ֆեյք է․ ստեղծելու ու տարածելու հրահանգ տվողի և իրականացնողների անուններն ինձ հայտնի են․ Միքայել Մինասյան Տիրադավների շրջանում մի այլ տիպի խանդի տեսարաններ են սկսվել․ ԲԱՄԲԱՍԱՆՔ Միքայել Մինասյանին հրավիրել են Գլխավոր դատախազություն