Ալեն Սիմոնյանը շատ է հարգում իմ կարծիքը․ Հովիկ Աղազարյան

ԱԺ ՔՊ խմբակցության պատգամավոր Հովիկ Աղազարյանը քիչ առաջ դուրս է եկել ԱԺ նախագահ Ալեն Սիմոնյանի աշխատասենյակից և հայտնել, որ այսօր չի հայտարարի՝ իր պատգամավորական մանդատը վա՞յր է դնում, թե՞ ոչ։

Socialmedia.am-ը կապ է հաստատել Հովիկ Աղազարյանի հետ՝ հասկանալու, թե որն է նման հետաձգման պատճառը, արդյո՞ք Ալեն Սիմոնյանի հետ հանդիպումը ազդել է նրա որոշման վրա, թե՞ ոչ։

-Պարո՛ն Աղազարյան, պատճառը ո՞րն է, որ Ձեր որոշումը փոխել եք։

-Ո՞ր որոշումն եմ փոխել։

-Ասացիք, որ ժամը 18։00-ին հայտարարություն կտարածեք, բայց լրատվամիջոցներին ասել եք, որ փոշմանել եք։

-Ես տեղյակ չեմ։

-Չէ, չէ։

-Ալեն Սիմոնյանը որևէ կերպ Ձեր որոշման վրա չի՞ ազդել։ Ուզում ենք հասկանալ՝ ի՞նչ եք քննարկել։

-Ալեն Սիմոնյանը Ազգային ժողովի նախագահն է և իր հետ ես տարբեր հարցեր կարող եմ քննարկել։

-Իսկ Ազգային ժողովի՝ Ձեր մանդատը վայր դնելու կամ Նիկոլ Փաշինյանի խնդրանքի մասին որևէ զրույց ունեցե՞լ եք։

-Ոչ։ Ես նման հարցերին պատասխան տալու տրամադրություն չունեմ, կներեք։

-Ալեն Սիմոնյանի հետ հանդիպումից հետո՞ Ձեր որոշումը փոխեցիք։

-Ես որոշում չեմ փոփոխել, ես ասել եմ, որ հայտարարություն կանեմ ու հիմա հայտարարություն եմ անում, որ հետաձգվում է իմ որոշումը։

-Ալեն Սիմոնյանը Ձեզ չհամոզե՞ց դնել մանդատը։

-Ի՞նչ համոզեր։

-Մանդատը վայր դնել։

-Մենք այդ թեմայով չենք խոսել Ալեն Սիմոնյանի հետ։

-Իսկ ի՞նչ եք խոսել։

-Խոսել ենք Ազգային ժողովի առաջիկա օրակարգերից։

-Միայն Ձեզ հե՞տ, պարո՛ն Աղազարյան։

-Այո, շատ է հարգում իմ կարծիքը։

-2 օր ինչի՞ համար էինք սպասում, պարո՛ն Աղազարյան։

-Ես ներողություն եմ խնդրել, որ սպասել եք բոլորդ։

-Ձեր հաջորդ որոշմանն ինչքա՞ն պետք է սպասենք։

-Դե մի սպասեք, ո՞վ է Ձեզ ստիպում։

-Հանրությունը Ձեզ ընտրել է, ժողովուրդը սպասում է։

-Ժողովուրդն ընտրել է, ես շարունակում եմ կատարել իմ պարտականությունները։

-Այսինքն մանդատը վայր չե՞ք դնելու ամեն դեպքում։

-Ես այդ մասին որոշում դեռ չեմ կայացրել։

-Իսկ ե՞րբ որոշում կկայացնեք։

-Առաջիկայում։

– Պարոն Աղազարյան, ասում էիք Հիսուսին Փաշինյանի միջոցով ճանաչեցիք, սրբություն է ձեզ համար Փաշինյանը, նրա խնդրանքը մերժո՞ւմ եք։

Հարցը մնաց անպատասխան։

Այս թեմայով Ուկրաինայի համար շատ ծանր ձմեռ է լինելու. Բուլղարիայի վարչապետ Բութ նոպայաձեւ ցավ, այտուց. Թաքնված ախտանիշներ լի անդառնալի հետեւանքներով «Ժողովուրդ». Հովիկ Աղազարյանի գործի գլխավոր վկան փախուստի մեջ է Ուկրաինական աղբյուրները հայտնում են Կիևում շատ հզոր պայթյունի մասին 6 տարի առաջ այս օրը ընկան հազարավոր ՏՂԱՆԵՐ