Samsung և OpenAI ընկերությունները բանակցում են գործընկերային համաձայնագրի շուրջ

Samsung և OpenAI ընկերությունները բանակցում են գործընկերային համաձայնագրի շուրջ, որի շրջանակում ChatGPT-ն կինտեգրվի Galaxy AI ծառայությանը, հայտնում է The Information պարբերականը։

Samsung-ը ներկայումս օգտագործում է իր սեփական Large Language Model (LLM) և Google Gemini նեյրոնային ցանցը՝ Galaxy AI համակարգի աշխատանքի համար:

Օրինակ՝ Apple-ն ակտիվորեն օգտագործում է OpenAI-ի ChatGPT-ն իր Apple Intelligence համակարգում: Այնուամենայնիվ, Apple-ի սարքերը տեղում օգտագործում են սեփական արտադրության լուծումներ և ChatGPT-ն ակտիվացնում են միայն որոշակի առաջադրանքներ կատարելու համար:

Հավանաբար Samsung-ը կհետևի այդ օրինակին կամ կտրամադրի ChatGPT-ն՝ որպես սեփական LLM-ի և Gemini-ի լիարժեք այլընտրանք: Սակայն, ինչպես հայտնում է The Information-ը, Samsung-ի և OpenAI-ի միջև բանակցությունները դեռ վաղ փուլում են, և դրանց արդյունքը մնում է անորոշ։

Բացի դրանից՝ խոսվում է, որ OpenAI-ը մշակում է ChatGPT-ի վրա հիմնված իր սեփական դիտարկիչը և արդեն վարձել է մշակողների, որոնք նախկինում աշխատել են Google Chrome-ի՝ աշխարհի ամենահայտնի դիտարկչի վրա:

Այս թեմայով Եվրասիայի աշխարհաքաղաքական քարտեզը մտնում է նոր վերաձևավորման փուլ.Թեհրան–Մոսկվա–Երևան ռազմավարական եռանկյունի «Հրապարակ». ՔՊ-ում այժմ ակտիվ ճշգրտումների փուլ է, փորձում են հասկանալ՝ իմաստ ունի՞ առաջադրվել «Ժողովուրդ». Մեկնակետ, որից հետո սկսվում է քաղաքական ճնշումների նոր փուլ Ադրբեջանի և Հայաստանի ղեկավարների կողմից համատեղ հռչակագրի ստորագրումը 30 տարի շարունակվող հակամարտության խաղաղ կարգավորման կարևոր փուլ է.Զաքիր Հասանով ՌԴ-ն և ԱՄՆ-ն պայմանավորվել են աշնանը բանակցությունների երրորդ փուլ անցկացնել. Լավրով