Մի քանի փաստ այն մասին, թե ինչպես են սոցցանցերն ազդում ձեր պահվածքի վրա

Ներկայացնում ենք սոցիոլոգների և հոգեբանների կողմից բերվող մի քանի փաստ, թե ինչպես են սոցիալական ցանցերն ազդում օգտատերերի պահվածքի վրա:

1. Դուք չեք կարող չստուգել ձեր էջը

Իսկ եթե հաղորդագրությո՞ւն է եկել: Հետաքրքիր գրառում կա պատին, որին պետք է շտապ լա՞յք դնել: Ընկերը նոր լուսանկա՞ր է տեղադրել: Իրականում դուք այդպես չեք մտածում: Դուք ուղղակի ստուգում եք էջը, որովհետև չեք կարող չստուգել:

Հետազոտողների կողմից հարցված սոցցանցերի օգտատերերի 80 տոկոսը խոստովանել է, որ չի կարող օրը գոնե մի անգամ չստուգել էջը: Իսկ հարցվածների մեկ երրորդը դրանով զբաղվում է ցավալի կանոնավորությամբ և սարսափում է այն մտքից, որ ինչ-որ բան կարող է պատահել իրենց հաշվին (մեզ թվում է, թե անհամեմատ ավելի մեծ բան): Հոգեբանական կախվածությունը ավելի փոքր չէ, քան ծխողինը` ծխախոտից: Այն նույնիսկ անվանում է ստացել ամերիկացի հոգեբանների մոտ «Facebook Addiction Disorder» (որը մոտավորապես նշանակում է «ֆեյսբուքից կախվածության խանգարում»):

2. Սոցցանցերը մեզ ստիպում են խանդել

Նույնիսկ երբ պատճառ էլ չկա: Հարցումների արդյունքում, մարդկանց մեծամասնությունը չի զլանում սոցցանցերում հետևել իրենց զուգընկերներին: Մանավանդ որ դա անելն այնքան հեշտ ու հարմարավետ է: Մի քանի սեղմում, և սոցցանցն ինքը քեզ կներկայացնի պոտենցիալ բոլոր մրցակիցների/մրցակցուհիների ցուցակը. բոլորին, ում լայքեր են դրվել, բոլոր ընկերներին և հնարավոր ընկերներին: Կարող եք շատ գրավիչ հետաքննություն անցկացնել:

3. Սոցցանցերը մեզ օգնում են աշխատել

Մինչ գործատուների մեծամասնությունը արգելափակում է աշխատանքային համակարգիչներից մուտքը սոցցանցեր, որպեսզի աշխատակիցները չշեղվեն աշխատանքից, հոգեբանները խորհուրդ են տալիս նման բան չանել: Այն մարդիկ, որոնք աշխատավայրում Ֆեյսբուք կամ Թվիթեր են օգտագործում, 9 տոկոսով ավելի արդյունավետ են աշխատում, քան մնացածը: Սոցցանց մտնելու կարճ ընդմիջումները ուղեղին հնարավորություն են տալիս շեղվել և հանգստանալ: Բայց միայն` կարճերը:

Այս թեմայով Կարճ պատերազմը կարող է բանակցային փակուղուց ելք դառնալ Պենտագոնը պատրաստել է Իրանի դեմ «կարճ և հզոր» հարվածների ծրագիր, որն այսօր կներկայացնեն Թրամփին. Axios Զոհված զինծառայողի լուսանկարն օգտագործվել է առանց ծնողի թույլտվության. Հերոսածին մայրը ահազանգում է ՀՀ-ում պահանջարկ ունեցող օնկոլոգիական դեղերի մեծ մասը գրանցված չէ. Ահազանգ Առանց ԴՕԿ կուսակցության որդեգրած բանաձևի՝ հնարավոր չէ մաքրել ավգյան ախոռները. Հայտնի իրավապաշտպանը նախընտրական ռեպրեսիաների մասին