Հենրիխ Մխիթարյանը սկսել է ինքնակենսագրական գրել

Միլանի «Ինտերի» հայ կիսապաշտպան Հենրիխ Մխիթարյանը Armsport-ի փոխանցմամբ, լայնածավալ հարցազրույց է տվել իտալական Corriere della Sera օրաթերթին։

Մխիթարյանը խոսել է ինքնաքննադատական բնույթի, Յուրգեն Կլոպի հետ աշխատանքի, կրթության, լեզուների իմացության, ինչպես նաև հոր կորստի և ընտանիքի կարևորության մասին։

— Ճի՞շտ է, որ գիրք եք գրում։

— Այո, բայց դեռ նոր եմ սկսել։ Շատ բան ունեմ պատմելու իմ կարիերայի և կյանքի մասին։

— Կարդո՞ւմ եք։

— Այո՛։ Հիմա սկսել եմ Զիդանի կենսագրությունը, իսկ վերջերս ավարտեցի մի գիրք, որում խոսվում էր կյանքի 5 կարևոր նպատակների մասին։

— Ճի՞շտ է, որ Մանչեսթերում խաղից 3 օր առաջ անջատում էիք հեռախոսը։

— Ոչ, դա Ուկրաինայում էր։ Բայց իրականում ես այն անջատում էի խաղերից հետո, քանի որ վերլուծում էի խաղս ու շատ ինքնաքննադատական էի։

— Հիմա է՞լ է այդպես։

— Ոչ, բայց հեռախոսն օգտագործում եմ հնարավորինս քիչ: Երկու փոքր երեխա ունեմ և չեմ ուզում, որ նրանք տեսնեն, թե ինչպես եմ ժամանակ անցկացնում սմարթֆոնը ձեռքիս։

— Կլոպն է՞ր Դորտմունդում աշխատում ձեր չափազանց ինքնաքննադատության վրա:

— Այո, նա մեծ մարզիչ է, բայց առաջին հերթին մեծ հոգեբան․ նա ինձ ասաց, որ չվերցնեմ ամբողջ պատասխանատվությունն ինձ վրա, արագ մոռանամ սխալները և պարտությունները՝ միշտ մտածելով հաջորդ խաղի մասին։

Այս թեմայով Ռուսական բանակը սկսել է թիկունքից շրջանցել Պոկրովսկ-Միրնոգրադ անգլոմերացիան (Տեսանյութ, Քարտեզ) Ե՞րբ շարք կվերադառնա Հենրիխ Մխիթարյանը Երեւանը այլեւս չի կարող սպասել. Հենրիխ Դանիելյան Աշխարհաքաղաքական վերադասավորումները մտնում են վճռորոշ փուլ. Հենրիխ Դանիելյան Պակիստանը լայնածավալ հարձակում է սկսել Հնդկաստանի վրա, Նյու Դելին հրթիռային հարվածներ է հասցրել (Տեսանյութ)