Խարդախները սկսել են իրենց զոհերին ծաղիկներ ուղարկել, որպեսզի հետո գողանան նրանց փողերը

Ռուսաստանում խարդախներն սկսել են ծաղիկներ և այլ նվերներ պատվիրել հնարավոր զոհերի համար, որպեսզի հետագայում նրանցից գումար գողանան, տեղեկացնում է Exploit Telegram ալիքը, որը պատմել է նոր սխեմայի զոհերից մեկի պատմությունը։

Սխեման գործում է հետևյալ կերպ․ խարդախները ծաղկեփունջ են պատվիրում հնարավոր զոհի համար։ Առաքիչը գալիս է, ներկայանում որպես ծաղիկների առաքման ծառայության աշխատակից, հանձնում ծաղկեփունջը և հեռանում՝ փոխարենը ոչինչ չպահանջելով։ Հնարավոր զոհը, սակայն, չի իմանում է, թե ով է ծաղիկներ ուղարկողը։

Սակայն, մոտ մեկ օր անց նրան զանգում են նույն առաքման ծառայությունից և տեղեկացնում, թե առաքումը սխալմամբ չի գրանցվել և հաշվետվության համար անպայման այն պետք է գրանցել և խնդրում են թելադրել իրենց հեռախոսին ստացած SMS հաղորդագրության թվերը։ Դրանից հետո խաբեբաները քաղաքավարի հրաժեշտ են տալիս, իսկ հետո փորձում են գումար գողանալ քարտից կամ նրա անունով վարկ ձևակերպել։

Տուժողներից մեկը՝ մի բժշկուհի, խաբվել է հենց այս եղանակով և նրան մի կերպ է հաջողվել խուսափել երկու միլիոն ռուբլի կորցնելուց՝ նրա անունով վարկի տեսքով։ Բարեբախտաբար, անվտանգությունը հայտնաբերել է կասկածելի գործարքը և մերժել այն:

Այս թեմայով Օրենքով գողեր «Զապն» ու «Օշականցի Գևորիկը» ձերբակալվել են հաշվեհարդարի փորձի համար Մնում է ասել՝ սա էլ կերաք, բա հետո՞... Ֆինանսական հաջողությունը շատ մոտ է. օգոստոսի վերջին կենդանակերպի որոշ նշաններ փող կունենան Սա էլ ձեր համար մարտի 8-ը կամ «Սբխեչ»-ը չէ․․․ Էլոն Մասկը կարծում է, որ արդեն 10 տարուց` 2036թ.-ից փող հասկացությունը կկորցնի իր իմաստը