Google-ը Android 15 QPR2 Beta 1 տարբերակում ներկայացրել է Terminal գործիքը

Google-ը Android 15 QPR2 Beta 1 տարբերակում ներկայացրել է Terminal գործիքը, որը թույլ է տալիս սմարթֆոնների վրա գործարկել Linux-ի համար նախատեսված ծրագրակազմը։ Այս գործառույթը, որը նախատեսված է փորձառու օգտատերերի և մշակողների համար, նպատակ ունի ավելի գրավիչ դարձնել Android հարթակը: Ներկայումս հավելվածը հասանելի է միայն թեստային ռեժիմում։ Այս մասին հայտնում է Android Authority-ն։

Terminal-ն ակտիվացնելու համար անհրաժեշտ է մտնել կարգավորումների բաժին (Settings), այնուհետև գտնել System մենյուն, ապա բացել Developer Options և սեղմել Linux Development Environment հրահանգը: Ակտիվացնելուց հետո Terminal-ի պատկերակը կհայտնվի հիմնական հավելվածների ցանկում: Քանի որ Terminal-ը դեռ բետա թեստավորման փուլում է, հավելվածը երբեմն պատահականորեն փակվում է գործարկման ժամանակ:

Android-ի կողմից Linux ծրագրային ապահովման համար տերմինալի ավելացումն արտացոլում է Google-ի երկարաժամկետ ռազմավարությունը՝ ստեղծելու ավելի արդյունավետ աշխատանքային միջավայր, որն առավելագույնս կօգտագործի ժամանակակից սարքերի հաշվողական հզորությունը:

Առայժմ հաստատ հայտնի է, որ Terminal-ն աշխատում է Pixel սմարթֆոնների վրա։ Android Authority-ն այլ ապրանքանիշերի սարքերի օգտատերերի թողած կարծիքների մասին չի նշում։

Այս թեմայով Հայտնի է՝ ով կներկայացնի այս տարի Հայաստանը մանկական Եվրատեսիլում Հայտնի են Պետդումայի ընտրությունների քվեարկության երկրորդ օրվա էքզիթ փոլի արդյունքները Նախկին վարչապետի ընտանիքը սգում է Հայտնի է Գյումրիում տեղի ունեցած ողբերգության մասնակիցների ինքնությունը. նրանցից մեկը ծառայում է ՀՀ-ում տեղակայված ՌԴ զորամասում ՀՐԱՏԱՊ. Մարդու իրավունքը ժամկետանց փաստաթուղթ չէ, երբ մարդը դադարում է հավատալ արդարադատությանը, վտանգվում է ոչ միայն նրա իրավունքը՝ այլ իրավական պետության հիմքը