Նիկոլին պետք է ածանցել, հաշվել սահմանը, այնուհետև լոգարիթմել

Վիտալի Մանգասարյանը գրում է.

Նիկոլին պետք է ածանցել, հաշվել սահմանը, այնուհետև լոգարիթմել:

Փորձեմ Նիկոլին համեմատել մաթեմատիկական ֆունկցիաների և որոշ հասկացությունների հետ:

Ածանցյալը ցույց է տալիս ֆունկցիայի փոփոխման արագությունը, և այս համատեքստում Նիկոլի և ածանցյալի միջև կարելի է զուգահեռներ անցկացնել։ Շատ դեպքերում Նիկոլը արագ փոխում է իր դիրքորոշումը, բայց, ինչպես ֆունկցիայի ածանցյալը, դա հաճախ արտահայտվում է կարճաժամկետ փոփոխություններով՝ առանց հիմնարար ազդեցության։
Օրինակ՝ երբեմն նա «մի պահ արագանում է» (կտրուկ որոշումներ է կայացնում), բայց երկարաժամկետ ինտերվալում  փոփոխությունները կա´մ չկան, կա´մ էլ աննշան են: 

Լոգարիթմը դանդաղ աճող ֆունկցիա է, որը ցույց է տալիս, որ մեծ արդյունքներ հնարավոր է հասնել միայն մեծ սկզբնական ազդեցության դեպքում։ Նիկոլը նման է լոգարիթմին, որովհետև նա փորձում է հասնել որոշակի արդյունքների, բայց դա հաճախ տեղի է ունենում միայն մեծ ռեսուրսներ վատնելուց հետո։
Օրինակ՝ նա կարող է մեծ խոստումներ տալ, բայց արդյունքները կա´մ չեն լինում, կա´մ էլ փոքր և աննշան են: 

Սահմանը (lim) օգտագործվում է գնահատելու համար, թե ինչի է մոտենում ֆունկցիան, երբ որոշակի արժեք է ընդունում։ Նիկոլի աշխատանքը նման է սահմանին, որովհետև նա մշտապես «կարծես» մոտ է լավ արդյունքների, բայց այդ արդյունքներին իրականում երբեք չի հասնում։ Նա կարող է խոստանալ, որ «հաջորդ քայլը» կբերի մեծ փոփոխություններ, բայց այդ «քայլը» հաճախ մնում է անիրագործելի։
Օրինակ՝ քաղաքական գործիչը կարող է մշտապես խոստանալ բարեփոխումներ, որոնք իրականում չեն իրականացվում։

Մերօրյա իրականության մեջ, երբ գրեթե ամենօրյա ռեժիմով «ներկա նախկին» կեղծ օրակարգ է գենեռացվում, հասարակ քաղաքացին դժվար է կարողանում կողմնորոշվել և տրամաբանական կարծիք արտահայտել, ուստի անհրաժեշտ է, որպեսզի ամեն մեկը իր համար առնվազն հարցադրում անի.Այդ ե՞րբ և ի՞նպե՞ս էր, որ «սահմանը» ոչ միայն կարողանում էինք հաշվել, այլ կարողանում էինք նաև ՊԱՀԵԼ: 

Ամփոփելով՝
Նիկոլը շատ «զգայուն» է, արագ արձագանքում է արտաքին աղմուկին, բայց կայուն որոշումներ չի կայացնում։ Նա մեծ ռեսուրսներ է պահանջում, բայց տալիս է միայն փոքր արդյունքներ։ Եվ վերջապես, թվում է թե նա «միշտ մոտ է» լավ արդյունքներին, բայց դրանց երբեք չի հասնում։

Այս թեմայով Դատախազությունում ներկայում վարույթ չկա Բալասանյանի՝ «Միութենականի կազմում լինելու» խոսքերի մասով Հեռու մնացեք մի մարդուց, ով իր լռությամբ նվիրյալ է. Արցախցի փաստաբանը գեներալ Վիտալի Բալասանյանի մասին Փաշինյանը պետք է գա Մայր Աթոռի բակ, Աստծուց ու Կաթողիկոսից ներողություն խնդրի. Վիտալի Բալասանյան Փաշինյանենք մնալու են պատմության ամենափիս էջում, այս արշավը Վեհափառի դեմ չէ, այլ՝ Եկեղեցու ՀՀ-ն պետք է Միութենական պետության կազմում լինի և շատ լավ կապեր ունենա Իրանի հետ