Բաֆեթը 3-րդ եռամսյակն անընդմեջ վաճառում է Apple-ի բաժնետոմսերը

Ամերիկացի մեդիամագնատ Ուորեն Բաֆեթին պատկանող Berkshire Hathaway ընկերությունն արդեն երրորդ եռամսյակն անընդմեջ շարունակում է նվազեցնել Apple-ում իր ունեցած մասնաբաժինը՝ վաճառելով բաժնետոմսերը։ Սեպտեմբերի վերջի դրությամբ Berkshire-ին պատկանում է Apple-ի մոտ 69,9 միլիարդ դոլարի բաժնետոմս։ Նախորդ եռամսյակի վերջին ընկերությունն ուներ Apple-ի 84,2 միլիարդ դոլարի բաժնետոմս։

2024-ի ընթացքում Berkshire Hathaway-ը հետևողականորեն նվազեցրել է իր մասնաբաժինը Apple-ում և այլ ընկերություններում: Բաֆեթին պատկանող ընկերությունն Apple-ում իր բաժնետոմսերի 13%-ը վաճառել է 2024-ի առաջին եռամսյակում և մոտ 50%-ը՝ 2024-ի երկրորդ եռամսյակում։ Նոր վաճառքից հետո ընկերությունն այժմ ունի Apple-ի մոտ 300 միլիոն բաժնետոմս: 2023-ի վերջին Berkshire Hathaway-ին պատկանում էր Apple-ի մոտ 905 միլիոն բաժնետոմս, այսինքն՝ այսօր նրա մասնաբաժինը կազմում է այդ գումարի մոտ մեկ երրորդը։

Berkshire Hathaway-ը ստեղծում է ռեկորդային մեծ կանխիկի պահուստ: Երկրորդ եռամսյակի վերջում ընկերության կանխիկի պահուստը կազմում էր մոտ 277 մլրդ դոլար, այն այժմ կազմում է մոտ 325 մլրդ դոլար։

Ուորեն Բաֆեթն ավելի վաղ հայտարարել էր, որ Apple-ը կմնա իրենց ամենամեծ ակտիվը, եթե «որևէ դրամատիկ բան տեղի չունենա, որն իսկապես կփոխի կապիտալի բաշխումը»: Նա նաև առաջին եռամսյակի սկզբին հայտարարել էր, որ Apple-ում իր մասնաբաժնի կրճատման որոշումը հիմնականում կայացվել է հարկային նպատակներով, թեև շարունակական վաճառքը, կարծես, հուշում է, որ գուցե այլ լուրջ պատճառ կա:

Apple-ի բաժնետոմսերն այժմ գտնվում են գրեթե բոլոր ժամանակների ամենաբարձր մակարդակին․ մեկ բաժնետոմսն արժե 222.91 դոլար։

Այս թեմայով նիկոլը երեկ 5-րդ կետը ճղում էր, ասում էր՝ ինչ որ խանութ փակեք Երբ Վաշինգտոնը խոսում է «խաղաղության» մասին, արյունը շարունակում է թափվել․ Իրանցի փորձագետ Քրեական ենթամշակույթի, արգելված իրերի դեմ պայքարը ազատազրկված անձանց մոտ առաջացնում են դժգոհություններ. Ինչ է տեղի ունեցել «Արթիկ» ՔԿՀ-ում իրականում Վիրտուալ տիրույթում հայհոհանքը, սպառնալը եւս դիտվում է քրեորեն պատժելի, հետապնդել արարք «Զանգեզուրի միջանցք» տերմինի օգտագործումից հարկ է ձեռնպահ մնալ.Մհեր Գրիգորյանը պատասխանել է Ադրբեջանի վարչապետի ելույթին