«ԱԴՐԲԵՋԱՆՑՈՒ ՀԵՏ ԳՈՏԵՄԱՐՏԻ ՈՂՋ ԸՆԹԱՑՔՈՒՄ ՀԻՇՈՒՄ ԷԻ, ՈՐ ԱՐՑԱԽՑԻ ԵՄ». ՍԱՄԲՈՅԻ ՄԵԾԱՀԱՍԱԿՆԵՐԻ ԱՇԽԱՐՀԻ ԲՐՈՆԶԵ ՄԵԴԱԼԱԿԻՐ ԴԱՎԻԹ ՀՈՎՍԵՓՅԱՆ

 Iravunk. com -ի մարզական թղթակիցը կապ է հաստատել ու զրուցել վերջերս Ղազախստանի մայրաքաղաք Աստանայում կայացած Սամբոյի մեծահասակների Աշխարհի առաջնությունում բրոնզե մեդալ նվաճած, ծնունդով Արցախից, փախստականների դրոշի ներքո հանդես եկած ԴԱՎԻԹ ՀՈՎՍԵՓՅԱՆԻ հետ։ Նա այսպես մեկնաբանեց իր նվաճումը.

- Հանդես եկա 58 կգ քաշային կարգում։ Սկզբից ձեռքի կոտրող հնարքով հաղթեցի կոլումբացի մրցակցիս։ Ափսոս, հաջորդ գոտեմարտում պարտվեցի վրացի մրցակցիս, հետո 1։0 հաշվով հաղթեցի Թուրքմենստանի ներկայացուցչին, բրոնզե մեդալի համար պայքարում էլ հաղթեցի ադրբեջանցի մրցակցիս։ Շատ հպարտ եմ, որ լինելով Արցախից, կարողացա հաղթել ադրբեջանցի մարզիկին, որը, ի դեպ, Աշխարհի չեմպիոն էր։ Ճիշտն ասած վնասվածք էլ ունեի, բժիշկները խորհուրդ չէին տալիս մասնակցել, բայց ես գնացի ու մարտական էի տրամադրված, որոշել էի նվաճել ոսկե մեդալ։

Ադրբեջանցու հետ գոտեմարտի ողջ ընթացքում հիշում էի, որ արցախցի եմ, ինչը ինձ շատ մեծ ուժ էր տալիս։ Կարողացա մի կողմ դնել վնասվածքը, ցավը, կենտրոնացա, ամբողջ ուժերս հավաքեցի ու անչափ կարևոր հաղթանակ տոնեցի։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Շախմատի համաշխարհային օլիմպիադա. Հայաստանի հավաքականը 6 խաղափուլից հետո 3-րդ տեղում է Եվրոպայի առաջնությունում այսօր ռինգ դուրս կգա Հայաստանի երեք ներկայացուցիչ Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ