Հայտնի է՝ որոնք են տարբեր տարածաշրջաններում ամենատարածված սմարթֆոնները

Kantar վերլուծական ընկերությունը հրապարակել է աշխարհի տարբեր շուկաներում հայտնի սմարթֆոնների վարկանիշային աղյուսակը՝ հիմնված 2024-ի երրորդ եռամսյակի արդյունքների վրա։

Հինգ տարածաշրջաններից չորսում ամենաշատ վաճառվող սմարթֆոնը եղել է բազային iPhone 15-ը, բացառությամբ Չինաստանի, որտեղ առաջին տեղում iPhone 15 Pro Max-ն է:

ԱՄՆ-ում iPhone-ը գերիշխում է՝ զբաղեցնելով առաջին հինգ տեղերը, մինչդեռ Ավստրալիայում միակ Android սարքը թոփ 5-ում միջին դասի Samsung Galaxy A55-ն է։

Չնայած iPhone 15-ի առաջատարությանը՝ Եվրոպայում երկրորդ տեղը զբաղեցնում է Samsung Galaxy A55-ը, իսկ Ճապոնիայում՝ Google Pixel 8a-ն։ Ճապոնական և չինական շուկաներն ունեն ապրանքանիշերի ամենամեծ բազմազանությունը. ճապոնական բեսթսելերների ցանկում է Sharp Aquos Wish3-ը, իսկ Չինաստանում հայտնի են նաև Huawei Pura 70-ը և Xiaomi 14-ը։

Kantar ComTech-ի փորձագետները նաև նշել են, որ 2024-ի երրորդ եռամսյակի համաշխարհային վաճառքի ծավալները տարեկան կտրվածքով նվազել են 2%-ով։ Դա պայմանավորված է Չինաստանում և Ճապոնիայում պահանջարկի թուլացմամբ: Սմարթֆոնների վաճառքի զգալի աճ է գրանցվել ԱՄՆ-ում (+21%), Եվրոպայի հինգ խոշորագույն շուկաներում (+13%) և Ավստրալիայում (+19%)։

Այս թեմայով Ինչպես են քանդում ու հողին հավասարեցնում Կոմիտասի շուկայի հարևանությամբ գտնվող կրպակները Հայաստանը Ռուսաստանի համար եղել է և կլինի շատ կարևոր երկիր. ՌԴ դեսպան ԱԲ-ն գուշակ չէ. Տեղեկատվական անվտանգության փորձագետը զգուշացնում է Որ ուժերն են մասնակցում Կարապետյանի տան հավաքին Աթիկում ՔՊ-ն ջախջախիչ հաղթանակ է տանում նախկին համայնքապետի դեմ