Քրիստիան Դիոր. 20 փաստ «Dior» ապրանքանիշի մասին

Ձեզ ենք ներկայացնում փաստեր «Dior» ապրանքանիշի, և դրա հիմնադիր Քրիստիան Դիորի մասին:

1. Քրիստիան Դիորը ծնվել է 1905թ. հունվարի 21-ին, Ֆրանսիայում: 1911-ին փոքրիկ Քրիստիանի ընտանիքը տեղափոխվեց Փարիզ: Նրա ծնողները հարուստ մարդիկ էին, ուստի, Քրիստիանը մանկության ժամանակ ոչնչի կարիք չուներ: Նրա հայրը իր կարողությունը ձեռք բերեց քիմիական պարարտանյութեր վաճառելով:

2. Դիորի ընտանիքը հույսեր ուներ, որ իրենց տղան կդառնա փաստաբան, բայց նա սիրում էր արվեստը և ցանկանում էր խորանալ արվեստի մեջ։ Փող աշխատելու համար նա վաճառում էր իր նորաձևության էսքիզները, յուրաքանչյուրը մոտավորապես 10 ցենտով։

3. 1928 թվականին Քրիստիանը, իր ընկերոջ հետ բացում է արվեստի պատկերասրահ, որտեղ ցուցադրվում են Անդրե Դերայնի, Անրի Մատիսի, Պաբլո Պիկասոյի աշխատանքները:

4. 1930-ականների սկիզբը ողբերգական էր Քրիստիանի համար. Նախ եղբոր մոտ ախտորոշվեց հոգեկան հիվանդություն, իսկ հետո մայրը մահացավ քաղցկեղից: 1931 թվականի սկզբին հայրը սնանկացավ՝ իր ամբողջ կապիտալը ներդնելով անշարժ գույքի մեջ․ ընտանիքի ունեցվածքը վաճառվում է պարտքերի դիմաց: Դեպրեսիայից փրկվելու համար Դիորը ուղևորվում է Խորհրդային Միություն: Որպես զբոսաշրջիկ՝ նա այցելում է Լենինգրադ, Կովկաս և Սև ծովի ափեր: Վերադառնալուն պես նա փակում է իր պատկերասրահը, քանի որ ճգնաժամի պատճառով վաճառքը կտրուկ նվազել էր, և հայրն այլևս չէր կարող օգնել ֆինանսավորմամբ:

5. Ընկերների ֆինանսական աջակցության շնորհիվ, Դիորը մեկնում է Բալեարյան կղզիներ՝ առողջությունը բարելավելու համար: Այստեղ նա սկսում է գորգերի էսքիզներ ստեղծել և միտք է ունենում սկսել դրանք պատրաստել, բայց նա ներդրող չի գտնում և պահանջարկի պակասի է բախվում:

Այս թեմայով ԱՀԱԶԱՆԳ. Արցախի հարցը փակվում է ոչ միայն քաղաքական, այլև բարոյաիրավական հարթությունում Ուկրաինական հակամարտության ավարտի ծրագիրը պատրաստ կլինի շաբաթվա վերջին և կներկայացվի Զելենսկիին «որպես կատարված փաստ». Politico «Փաստ». Ո՞վ իրավունք ունի ժողովրդի անունից խոսել Ժողովուրդը կանգնած է ընտրության առջև՝ Եկեղեցի՞ն, թե՞ իշխանությունը. «Փաստ» «Փաստ». Ինչպես են Միքայել Հարությունյանի որդիները «պատվիրել» եվրո-ամերիկյան սանկցիաներ