Apple-ն առաջարկել է մոտ 100 միլիոն դոլար ներդնել Ինդոնեզիայի տնտեսությունում

Apple-ն առաջարկել է երկու տարվա ընթացքում մոտ 100 միլիոն դոլար ներդնել Ինդոնեզիայի տնտեսությունում, որպեսզի տեղի իշխանություններին համոզի վերացնել iPhone 16-ի վաճառքի արգելքը երկրում, հայտնում է Bloomberg-ը։

Սկզբում Apple-ը պլանավորում էր մոտ 10 մլն դոլար ներդնել Բանդունգ քաղաքում գտնվող աքսեսուարների և բաղադրիչների արտադրության գործարանում։ Դրանից հետո Ինդոնեզիայի արդյունաբերության նախարարությունը կոչ էր արել ընկերության թոփ-մենեջերներին հանդիպել պաշտոնյաների հետ։

Ինչպես հայտնում է Bloomberg-ը, նախարարությունը դեռ վերջնական որոշում չի կայացրել ընկերության վերջին առաջարկի վերաբերյալ, որը տասն անգամ գերազանցում է նախորդին։ Apple-ի և գերատեսչության ներկայացուցիչները չեն մեկնաբանել իրավիճակը։

iPhone 16-ի վաճառքի արգելքը մտցվել է 2024-ի հոկտեմբերին, քանի որ Apple-ը չէր կատարել տեղի տնտեսությունում ներդրումներ կատարելու իր պարտավորությունները: Պահանջվող 1,7 տրիլիոն ինդոնեզական ռուպիի (մոտ 95 մլն դոլար) փոխարեն ընկերությունը ներդրել է ընդամենը 1,5 տրլն ռուպի։

Ինչպես նշում է Bloomberg-ը, այս ներդրումների միջոցով Apple-ը նպատակ ունի մուտք գործել Ինդոնեզիայի մոտ 278 միլիոն բնակչություն ունեցող շուկա, որոնց կեսից ավելին 44 տարեկանից ցածր են և լավ տիրապետում են տեխնոլոգիաներին:

Այս թեմայով Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Խնդրում ենք վարչապետին քայլեր ձեռնարկել քաղաքային բյուջեն հոր «դուքյանի» վերածած համայնքապետից մեզ ազատելու համար. Ահազանգում են վայքեցիները Ucom-ը ներկայացնում է Green սակագնային պլանները՝ ամենօրյա կապը դարձնելով բնապահպանական ներդրում Պետդեպարտամենտը 10 միլիոն դոլարի նոր պարգև է խոստացել իրանցի պաշտոնյաների գտնվելու վայրի մասին տեղեկության համար