Տագնապալից ախտանիշ. խռմփոց հղիության ընթացքում

Գիտնականները պարզել են, որ հղի կանայք, որոնց   մոտ քունն ուղեկցվում է խռփոցներով  շաբաթական 3 անգամից ավել, պետք է ուշադիր լինեն, քանի որ դրանք կարող են ծննդաբերության ժամանակ առաջացող խնդիրների վերաբերյալ ազդանշաններ լինել: Ավելին, մասնագետները կարծում են, որ դա կարող է պատճառ դառնալ երեխայի կեսարյան հատման միջոցով լույս աշխար գալուն կամ անգամ նորմայից ցածր քաշով ծնվելուն:

Մասնագետները հետազոտել են 1673 հղի կանաց, որոնցից 35%-ի մոտ քունն ուղեկցվել է կանոնավոր խռմփոցներով: Մասնագետները նշում են, որ հղիության ընթացքում խռմփոցների առաջացման պատճառներն ու հետևանքներն արդեն հետզոտվել են, սակայն թե ինչպիսի ազդեցություն է այն  ունենում երեխայի առողջության վրա դեռևս լիովին ուսումնասիրված չէ:

Այնուամենայնիվ խռմփոցը այնքան էլ անվտանգ չէ, հատկապես եթե այն ի հայտ է գալիս հղիության ընթացքում:  Ինչպես արդեն նշեցինք, ապագա մայրերի խռմփոցը կապված է ինչպես երեխայի փոքր քաշով ծնվելու այնպես էլ կեսարյան հատման առաջացման հավանականության հետ:

Հետազոտողների կարծիքով, այդ հետազոտության արդյունքները հավելյալ հնարավորություն են ընձեռնում մասնագետներին  բացահայտել  հղիների մոտ առաջացող հնարավոր խախտումները` հղիության առավել վաղ շրջանում, որն էլ և նրանց հնարավորություն կտա հեռացնել  այդ խնդիրները, նախքան նրանք  կկարողանան վնաս հասցնել մոր և երեխայի առողջությանը:

Նախկինում կատարված հետազոտությունների արդյունքները վկայում են, որ հղիության ընթացքում  շնչառության խանգարումները  կարող է առաջացնել արյան ճնշման բարձրացման և պրեէկլամպսիայի վիճակ, որի ընթացքում հղի կնոջ մոտ կարող է առաջանալ զարկերակային ճնշման կտրուկ բարձրացում և մի շարք այլ խնդիրներ:

Աղբյուրը՝ med2.ru