Ալերգիկների համար նախատեսված սմարթ-թևնոցները կարող են մանկական կյանքեր փրկել

Վիճակագրության համաձայն, ամեն 12-րդ  երեխայից 1-ը  տառապում է ալերգիայով:  Հատկապես նրա ամենատարածված  տեսակով՝ սննդային ալերգիայով: Դրա հետ մեկտեղ ալերգենների ցուցակը բավականին ծավալուն է ու բազմազան, իսկ ծնողները ցավոք սրտի միշտ չէ, որ կարող են հետևել, թե երեխան որտեղ և  ինչ է ուտում: Որպեսզի բարձրացնեն «ծնողական վերահսկողությունը» երեխայի սննդակարգի վրա ու չեզոքացնեն ալերգիկ երեխաներին սպառնացող վտանգը, ամերիկացի մի խումբ էնտուզիաստներ մշակել են էլեկտրոնայի թևնոցները:

Ցանկացած անձի, ով տառապում է սննդային ալերգիայով, անհրաժեշտ է մանկությունից արդեն բացատրել, թե որ մթերքներն է անհրաժեշտ հիմնովին  բացառել սննդակարգից: Սակայն երեխաները մնում են երեխաներ, նրանք միշտ չէ, որ կարող են հրաժարվել արգելված համեղ  ուտեստից: Այս նպատակով մասնագետները ստեղծել են AllerGuarder թևնոցները, որոնց հիմնական նպատակն է յուրովի տեղեկացնել երեխայի շրջապատին, որ երեխան  ալերգիկ է:

AllerGuarder-ը դա  գունավոր սիլիկոնե թևնոց է, որն աշխատում Bluetooth-ով: Թևնոցը գնելուց հետո անհրաժեշտ է նրա մեջ տեղադրել սմաթֆոնի համար թողարկված հատուկ հավելված, որի մեջ  անհրաժեշտ է մանրակրկիտ կերպով ներկայացնել երեխայի ալերգիայի տեսակի, հայտնի ալերգենների, ընդունվող դեղամիջոցների վերաբերյալ տեղեկատվություն, ինչպես նաև  կոնտակտային տվյալներ, որոնք անհրաժեշտ են արտակարգ իրավիճակի դեպքում:

Ենթադրվում է, որ  հոգատար  ծնողները «կխնդրեն»  երեխայի շրջապատի մյուս մեծահասակներին (հարազատներին, ուսուցիչներին, մարզիչներին, հարևաններին և այլն.) ևս տեղադրել նմանատիպ ծրագիր իրենց սմարթֆոնների մեջ:

Այդ ամենը նախատեսված է նրա համար, որ  երբ թևնոցը կրող  ալերգիկ երեխան  գտնվի մեծահասակների շրջապատում, ովքեր ևս ունեն այդ ծրագիրն իրենց սմարթֆոնների մեջ, ապա ծրագիրը  մեծահասակներին ուղարկում է հիշեցում, իրենց հոգատարության ներքո գտնվող երեխայի ալերգիայի վերաբերյալ:

Մասնագետները կարծում են, որ այդ հավելվածը հնարավորություն կտա մեծահասակներին նվազեցնել «բարության» դրսևորման հետևանքով երեխաններին վնասելու հավանականությունը:

Աղբյուրը՝ gogetnews.info

Այս թեմայով Համադասարանցիների հերթական ծեծը Հայաստանյան իրավապաշտպանության ոլորտի գուրուն, հայտնի փաստաբանը հայտարարությամբ է հանդես եկել Չկա ազատազրկված անձ, ով ունի առողջական խնդիր եւ մեր տեսադաշտից դուրս է.Դատապարտյալի ահազանգի հետքերով ՀՐԱՏԱՊ. Քաղաքացին կտրել է երակները ոստիկանության դիմաց Դեկտեմբերը հաղթանակ կբերի այս նշաններին. Գլոբան կանխատեսել է կյանք առանց անհանգստությունների