Nike-ը ներկայացրել է Air Max 1000-ը՝ ընկերության առաջին սպորտային կոշիկները

Nike-ը ներկայացրել է Air Max 1000-ը՝ ընկերության առաջին սպորտային կոշիկները, որոնք գրեթե ամբողջությամբ պատրաստվել են 3D տպագրության միջոցով: Նոր արտադրանքը ստեղծվել է Zellerfeld-ի հետ համագործակցությամբ, որն արդեն փորձ ունի կոշիկների 3D տպագրության ոլորտում։ Սպորտային կոշիկներն անցյալ շաբաթավերջին ցուցադրվել են Լաս Վեգասում անցկացված ComplexCon ցուցահանդեսի այցելուներին:

Դիզայնի առումով նոր Air Max 1000-ը Air Max 1-ի թարմացված տարբերակն է, որը հայտնվեց 1987-ին և Nike-ի առաջին սպորտային կոշիկներն էր՝ կրունկի մեջ օդային բարձիկով, որը պահպանվում է նաև Air Max 1000-ում։ Սպորտային այս կոշիկն ամբողջությամբ պատրաստված է 3D տպագրության միջոցով, բացառությամբ օդային բարձիկի։

Տարբեր խտության և հյուսվածքների շերտերը միախառնելու շնորհիվ՝ Air Max 1000-ի ստորին միջնաշերտը մնում է ամուր, իսկ վերին հատվածը՝ ավելի ճկուն և հարմարավետ: Սա թույլ է տալիս կոշիկները հագնել և հանել առանց թելերի օգտագործման: 3D տպագրության օգտագործումը նաև Nike-ին թույլ է տվել իրագործել եզակի ուրվագծային դիզայն, որը, ըստ ընկերության, հնարավոր չէր լինի ստեղծել կոշիկի արտադրության ավանդական տեխնոլոգիաներով:

Nike-ը սկզբում հայտարարել է Air Max 1000-ը վառ կարմիր գույնով, սակայն ավելի ուշ միջոցառման ժամանակ ներկայացվել են նաև տարբեր գույների տարբերակներ՝ ներառյալ սպիտակ, կապույտ և սևի և կանաչի խառնուրդ: Նախնական խմբաքանակը բաղկացած է 1000 զույգից, որոնք ցուցահանդեսի այցելուները կարող էին նախապես պատվիրել։ Nike-ը դեռ չի բացահայտել Air Max 1000-ի ավելի լայնածավալ արտադրության ծրագրերը և չի հայտնել նոր սպորտային կոշիկների մանրածախ գինը:

Այս թեմայով Քաղցկեղի 5 տեսակ, որոնք ամենադժվարն են բուժվում Ապրիլ ամսվա ծուղակները. Բաց չթողնեք վաղը «Իրավունք-TV»-ի եթերում Շնորհավոր ծնունդդ Զորավար, խոնհարում քեզ՝ Հայի զտարյուն տեսակ. Հայտնի իրավապաշտպանի շնորհավորական ուղերձը Դիմում եմ ՀՀ Կառավարությանը. Հայտնի փաստաբանը ուշագրավ հայտարարությամբ է հանդես եկել Ցավալի է, բայց ծիծաղում եմ