Գիտնականները հպման զգացողություն փոխանցող սարք են ստեղծել

Ինժեներները հնարավոր են դարձրել մարդկանց շոշափելը հեռվից. հատուկ եղանակով ստեղծված անլար «մաշկը» կարողանում է շոշափման զգացողություն փոխանցել, գրում է meduza.io-ն:

Հոդվածում նկարագրված է մի իրավիճակ, որտեղ ծեր կինը տեսակապով շփվում է թոռան հետ: Ինչ-որ պահի թոռը շոյում է էկրանին երևացող տատի նկարը. տատը ցնցվում է, քանի որ զգում է երեխայի հպումը:

Մեկ այլ իրավիճակ. նախաբազկի ռոբոտացված պրոթեզով տղամարդը հաջորդաբար վերցնում է բաժակը, մատիտը և սմարթֆոնը, և նրա դեմքին զարմանքի ժպիտ է հայտնվում: Հիմա նա կարող է իրերին չնայելով զգալ դրանց ձևը և տարբերել մեկը մյուսից հպումով՝ արհեստական ձեռքի միջոցով:

Այս ամենը հնարավոր են դարձրել ամերիկացի և չինացի գիտնականները, որոնք AR/VR տեխնոլոգիայի կիրառմամբ ստեղծել են սարք, որը կարողանում է շոշափման զգացողություն փոխանցել:

Սարքն ընդամենը 1,4 գրամ կշռող թեթև, բազմաշերտ սպեղանի է, որը հնարավոր է ժամանակավորապես ամրացնել մաշկին, ինչից հետո այն ընդունում է մարմնի ձևը:

Հպման զգացողություն փոխանցելու համար սարքի մեջ տեղադրված են տատանում առաջացնող փոքրիկ շարժիչներ, որոնք կազմված են պղնձե պարույրից և մագնիսից: Երբ պարույրին հոսանք է փոխանցվում, մագնիսը, ըստ հոսանքի հաճախականության, տատանում է առաջացնում, ինչն էլ առաջացնում է հպման զգացողությունը:

Սարքի գլխավոր առանձնահատկությունն այն է, որ նրա համար պետք չէ լարային միացում և ներկառուցված մարտկոց. այն էներգիան ստանում է արտաքին աղբյուրից: Այս տեխնոլոգիան բջջային հեռախոսների անլար լիցքավորման նման է և թույլ է տալիս էներգիան փոխանցել մեկ մետր հեռավորությունից:

Սարքը թույլ է տալիս զգալ իրական աշխարհից փոխանցված, իսկ այնուհետև համակարգչի կողմից մշակված հպումները: Նորարարական սարքը կարելի է կիրառել ինչպես հարազատների հետ տեսազանգի միջոցով շփումն ավելի իրական դարձնելու, այնպես էլ վիրտուալ խաղերից ավելի վառ զգացողություններ ստանալու համար: Ավելին՝ այս սարքը թույլ կտա անգամ պրոթեզով մարդկանց կրկին շոշափել ու տարբերել իրերը միմյանցից պարզապես հպման միջոցով:

Այս թեմայով ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Ոչ միայն ճանաչված լրագրող, այլ արժանի բարեկամ. Հայտնի փաստաբանի շնորհավորական ուղերձը «Իրավունքի» հայտնի լրագրողի տարեդարձին Գեներալ, մի նեղացեք հայրենիքից, մի հրաժարվեք Հայաստանից. Հայտնի փաստաբանը դիմել ԽՍՀՄ գեներալին