Այսպես մի քիչ էլ շարունակվի, տուն-թանգարանները կդառնան մոթելներ ու հոթելներ. ԶԱՐՄԱՆՔ

Նիկոլի ասած՝ «Ապագա կա»-ն թակեց նաեւ թանգարանների ու գրադարանների դուռը: Ֆինանսների նախարար ՎԱՀԵ ՀՈՎՀԱՆՆԻՍՅԱՆՆ Ազգային ժողովում հայտարարեց, որ քաղաքացիներին ծառայություններ մատուցող ՊՈԱԿ-ների աշխատակիցների աշխատավարձերի բարձրացում չի նախատեսվում: Բայց զարմանալին սա չէ, այլ նախարարի մեկ այլ մտքի «փայլատակում»: Նա հարց է բարձրացնում. «Մենք դնում ենք մեխանիզմներ, որ ՊՈԱԿ-ները կարողանան ինքնուրույն գեներացնել եկամուտներ, եթե խոսքը վերաբերում է նաեւ թանգարաններին։ Նրանք գոյություն ունեն, որ մարդիկ այնտեղ գնան։ Եթե այնտեղ մարդիկ չեն գնում, հարց է առաջանում` ինչո՞ւ այն գոյություն ունի»: Ասվածն ապշեցրեց նաեւ ԱԺ «Հայաստան» խմբակցության պատգամավոր Լիլիթ Գալստյանին. «Դուք ո՞նց եք պատկերացնում, որ մի ինչ-որ դեֆիլե կազմակերպեն գրադարանավարնե՞րը, ինչպես մի քանի օր առաջ գրեթե սրբապղծության հասնող նորաձեւության ցուցադրություն եղավ:Այստեղ պետության պարտականությունը որտե՞ղ է։ Ի վերջո, չի կարելի բոլոր ոլորտների վրա բիզնեսային եւ նյութականացված վերաբերմունք պրոյեկտել»: Ի՞նչ ասես, է, այսպես մի քիչ էլ շարունակվի, շուտով Թումանյանի, Չարենցի ու մեր մյուս մեծերի տուն-թանգարանները նման նախարարների բարձր հովանու ներքո՝ կդառնան մոթելներ ու հյուրանոցներ:

Իսկ ՔՊ-ական պատգամավոր ՀՈՎԻԿ ԱՂԱԶԱՐՅԱՆԸ հերթական «բոց»-ն է արել՝ լրագրողների հետ զրույցում: Ի վերջո, ի՞նչ եղավ Քննչական կոմիտեի նախագահ Արգիշտի Քյարամյանի հետ տեղի ունեցած միջադեպի առնչությամբ նախաձեռնված քրեական վարույթը, չկոնկրետացված հարցին ի պատասխան՝ Աղազարյանն անկեղծացել է. «Ի՞նչ քրեական գործ, ասում եք՝ ձեր քրեական գործ, 40 հատ քրեական գործ կա, ո՞ր մեկը»: Փաշինյանի օրոք, եթե Աղազարյան Հովիկը 40 հատ քրգործ ունի՝ իրեն առնչվող, բա պատկերացնո՞ւմ եք, թե ինչ է լինելու ՔՊ-ի իշխանություն չլինելուց հետո:

Եթե Հովիկ Աղազարյանը պարծենում է շուրջ չորս տասնյակ քրեական գործերով, ապա Մարդու իրավունքների պաշտպան ԱՆԱՀԻՏ ՄԻՆԱՍՅԱՆՆ անհամեստորեն հայտարարում է. «Ես Հայաստանի լավագույն իրավաբանն եմ»: Պահո՛, քամին ցրտից մեռավ: Անդրադառնալով վերոնշյալին՝ փաստաբան Արսեն Բաբայանը գրում է. «Նկատեցի, որ այս հայտարարությունը շատերի ուշադրությանն է «արժանացել»: Տեղյակ չեմ, թե ինչ կոնտեքստում է սա ասվել։ Բայց հստակ է մի բան՝ անգամ աշխարհի լավագույն իրավաբանը կարող ես լինել, դեմ չեմ, բայց նվազագույնը Մարդու իրավունքների պաշտպան պարտավոր ես լինել։ Սրանից սկսենք... »:

Հիշո՞ւմ եք չէ, որ արեւմտամետները քաղաքացիներից 60 հազար ստորագրություն են կորզել ու որոշել են ԱԺ ներկայացնել նախագիծ՝ ՀՀ վեկտորը դեպի Արեւմուտք ուղղելու համար: Եվ ահա Արեւմուտքից լուրեր են հասնում, թե ինչ արժեքային համակարգի մեջ են ուզում դնել մեր քաղաքացիներին: Անգլիայի եկեղեցու հոգեւոր առաջնորդ Քենթերբերիի արքեպիսկոպոս ՋԱՍԹԻՆ ՈՒԵԼԲԻՆ հրաժարական է տվել: Ի՞նչն է այստեղ զարմանալի` կհարցնեք դուք: Հետաքննությունը բացահայտել է, որ նա ժամանակին չի հայտնել քրիստոնեական ամառային ճամբարներում կամավորի կողմից սերիական ֆիզիկական եւ սեռական նկրտումների մասին: Իր հրաժարականի նամակում Ուելբին ընդունել է «անձնական եւ ինստիտուցիոնալ պատասխանատվությունը», որ «սխալմամբ» համարել է, թե 2013 թ.-ի գործով ոստիկանության պաշտոնական հաղորդում տալու կարիք չկա: Պարզվում է՝ այսքան տարի Անգլիայի եկեղեցին ամենաբարձր մակարդակով իմացել է, որ Ջոն Սմիթ անունով մեկը սեռական, հոգեբանական եւ ֆիզիկական բռնության է ենթարկել մոտ 30 տղայի եւ պատանիների Մեծ Բրիտանիայում եւ 85-ին՝ Աֆրիկայում: Մեղա, մեղա…

Զարմացած է «Իրավունք»-ը

Այս թեմայով Արծրունի ասածներն իրականության հետ որեւէ կապ չունեն. Աշոտ Մելքոնյան Այսպես, որ շարունակվի, Աղազարյանի անունը, որպես արժեք, գրանցելու են ՅՈՒՆԵՍԿՕ-ում. ԶԱՐՄԱՆՔ Էդմոնին ընդդիմադիր մի՛ ըսեք, մեղք է Մնացել են ԱԺ-ում, որ ի՞նչ անեն, ավելի լավ է մանդատները դնեն, դուրս գան. Վահան Բաբայան Քանի Փաշինյանն իշխանության է, ՀՀ-ն շարունակելու է գահավիժել. Նաիրա Զոհրաբյան