Կյանքի առաջին տարիներին երեխաներին չի կարելի քաղցր ուտելիքներ տալ. Science

Հարավային Կալիֆոռնիայի համալսարանի գիտնականները պարզել են, որ կյանքի առաջին 1000 օրվա ընթացքում երեխաների շաքարի ընդունման սահմանափակումը նվազեցնում է հասուն տարիքում շաքարախտի և հիպերտոնիայի զարգացման ռիսկը: Հետազոտության արդյունքները հրապարակվել են Science ամսագրում։

Գիտնականները կենտրոնացել են Մեծ Բրիտանիայում անցկացված «բնական փորձի» արդյունքների վրա։ Այս ուսումնասիրությունը հետազոտել է այն մարդկանց առողջությունը, ովքեր իրենց կյանքի առաջին 1000 օրվա ընթացքում շաբաթական ութ ունցիա շաքար և 12 ունցիա կոնֆետ էին օգտագործում: Նման սահմանափակումները կապված էին Երկրորդ համաշխարհային պատերազմից հետո Մեծ Բրիտանիայում սննդի սպառման ռացիոնալացման հետ։ Ստացված տվյալները այնուհետև համեմատվել են առանց սահմանափակումների շաքար օգտագործած անհատների առողջական ցուցանիշների հետ։

Արդյունքները ցույց են տվել, որ վաղ տարիքում սննդակարգում քաղցր մթերքների և շաքարի մասնաբաժինը նվազեցնելու պարտադրումը երկարաժամկետ հեռանկարում դրական ազդեցություն է թողել առողջության վրա: Գիտնականների խոսքով՝ շաքարախտի և հիպերտոնիայի զարգացման ռիսկը այն մարդկանց մոտ, ովքեր մանկության տարիներին քիչ շաքար են օգտագործել, նվազել են համապատասխանաբար մոտ 35%-ով և 20%-ով՝ մինչև 50-60 տարեկան: Բացի այդ, երբ այդ հիվանդություններն ամեն դեպքում զարգանում էին, դրանք ի հայտ էին գալիս էին մի քանի տարի ուշ։

Հետազոտության արդյունքները ընդգծում են վաղ մանկության ժամանակ լավ սնվելու պաշտպանիչ դերը: Գիտնականները հուսով են, որ բացահայտումները կարող են դրդել սննդամթերք արտադրողներին նվազեցնել շաքարի պարունակությունը սննդի և խմիչքների մեջ, որոնք վաճառվում են երեխաների համար:

Այս թեմայով Սի Ցզինպինը 10 տարվա ընթացքում առաջին անգամ պետական ​​այցով կժամանի Միացյալ Նահանգներ ՀՐԱՏԱՊ. ԴՕԿ կուսակցության պատվավոր նախագահ Վարդան Ղուկասյանի հայտնի փաստաբանը հայտարարությամբ է հանդես եկել ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Իջեւան համայնքի առեղծվածն ու զարգացման գաղտնիքը ԱՄՆ-ն իր առաջին տիեզերական զենքն է տեղակայել ուղեծրում