Ինչպես հոգ տանել ծանր հիվանդների մասին ու մնալ առողջ

Հատկապես շատ դժվար է հոգ տանել ծերունական թուլամտությամբ տառապող մարդկանց մասին: Անդադար ուշադրության ու մշտական վերահսկողության անհրաժեշտությունը, անձի  անուղղելի  և  անխուսափելի «ոչնչացման» հետևելն ու ամեն անգամ նրանց  նոր ու անակնկալ  պահվածքի դրսևորումը  հիվանդապահի մոտ կարող է  առաջացնել  հոգնածություն ու հուսահատության նոպաներ:

Փորձենք հասկանալ, թե ինչ հոգեբանական մեխանիզմներ են հանգեցնում դեպրեսիայի առաջացման  կամ նևրոզի,  այն մարդկանց մոտ,  ովքեր խնամում են նման  ծանր հիվանդների:

Պարզվում է, որ դրանք 2-ն են՝ բացասական մտքերի  ու էմոցիաների վրա սևեռվելը և  իրավիճակին առանց դրամատիզմի  մոտենալու ունակությունը, որ այն տրավմատիկ չազդի առողջ  մարդու հոգեկանի վրա:

Նման եզրակացության հանգել են մադրիդյան 2 համալսարանի  հետազոտողները, ովքեր վերլուծել են մեծ թվով մարդկանց տվյալներ, ովքեր  տնային պայմաններում հոգ  են տանում ծանր հիվանդների մասին: Մասնագետները նշել են, որ այդ հոգետրավմատիկ իրավիճակներին  մարդիկ տարբեր կերպ են արձագանքել: Հոգեկան խանգարում նկատվել է այն մարդկանց մոտ, ովքեր չեն իմացել, թե  ինչպես կամ չեն կարողացել ազատվել բացասական էմոցիաներից ու հոռետեսական մտքերից, մինչդեռ նրանք, ովքեր իրատեսական են գնհատել իրավիճակն ու  չեն ծանրացրել այն, պահպանել են իրենց առողջությունն ու լավ ինքնազգացողությունը:

Հետազոտության արդյունքները   օբյեկտիվ կերպով  հաստատում են հոգեբանության  մեջ հայտնի՝ լավատեսության պաշտպանիչ  ազդեցության ու կյանքի բոլոր իրավիճակներում  դրական մտածողության մասին փաստը:

Ծանր հիվանդների հարազատները պետք է հասկանան  նաև իրենց հոգեկանի  նկատմաբ խնամքի, սեփական ճիշտ հանգստի ու հիգիենայի, էմոցիաների ու մտածողության   անհրաժեշտության մասին: Որպեսզի կարողանան առողջ մնալ,  պետք է  նաև հոգ տանեն իրենց առողջության մասին: Իմանալով որ երբեմն նման  իրավիճակը պահանջում է շատ ֆիզիկական ուժ ու էմոցիոնալ դիմացկունություն ու  համբերություն, հարկավոր է սովորել ուշադրությունը կենտրոնացնել  նաև այլ բաների վրա, էմոցիոնալ անջատվել(երաժշտություն լսել, շփվել ընկերների հետ ու ստեղծագործել) ու զբաղվել սպորտով, քանի որ այն խթանում է  լավ տրամադրությունն ու ազատում է լարվածությունից:

Աղբյուրը՝ med2.ru

Այս թեմայով Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Պետությունը չպետք է քաղաքացու փոխարեն որոշի՝ նրա վիշտը ֆինանսապես «բավարար ծանր» է, թե ոչ Փաշինյանը նպատակ ունի կտրել թաղման նպաստները 2023 թվականի սեպտեմբերի 19–20-ը ավարտվեց ոչ միայն պատերազմը, այլ նաև Արցախի հայկական պետականության մի ամբողջ պատմաշրջան Ռուսաստանը շատ ավելի ազդեցիկ է, քան Ադրբեջանն ու Թուրքիան, հետևաբար Ռուսաստանի հետ ևս պետք է զգույշ լինել