«Չելսիի» գլխավոր մարզիչը` «Նոայի» դեմ խաղի մասին.Դիտել եմ խաղեր այս թիմի մասնակցությամբ

Կոնֆերենցիաների լիգայի 2024/2025թթ․ խաղարկության Լիգայի փուլի 3-րդ տուրում Երևանի «Նոան» Լոնդոնի «Սթեմֆորդ Բրիջում» կհանդիպի «Չելսիին»։

«Ազնվականների» գլխավոր մարզիչ Էնցո Մարսեկան խոսել է առաջիկա հանդիպման մասին.

«Իմ ֆուտբոլիստները գիտեն, որ մենք երկու տարբեր կազմեր ունենք, սակայն դա չի նշանակում, որ ինչ-որ մեկը չի կարող խաղալ Պրեմիեր լիգայում, իսկ մյուսը՝ Կոնֆերենցիաների լիգայում։ Մրցակցության հարց է։ Մրցաշրջանը շատ երկար է, հանդիպումները շատանում են, բացի այդ, ֆուտբոլիստներս հանդես են գալիս իրենց ազգային հավաքականներում։ Հնարավորություն բոլորն էլ ստանալու են։

Ես դիտել եմ հանդիպումներ «Նոայի» մասնակցությամբ։ Մենք նախապատրաստվել ենք դրան։ Ես նախկինում էլ եմ լսել «Նոայի» մասին, քանի որ սա ֆուտբոլ է։

Նրանք իրենց երկրում խաղում են այլ մարտավարությամբ, ուստի մենք չգիտենք, թե ինչ մարտավարությամբ «Նոան» հանդես կգա այստեղ։ Մի քանի անգամ ասել եմ, որ այսօրվա ֆուտբոլում կարող ես հանդիպել լավ ֆուտբոլիստների, թիմերի ու մարզիչների ոչ միայն աշխարհի կարևորագույն լիգաներում։

Մեզ համար դժվար է խաղալ Կոնֆերենցիաների լիգայում, քանի որ մեր բոլոր մրցակիցներն էլ ցանկանում են մեր դեմ ներկայանալ լավագույն կերպով։ Այստեղ ոչ միայն տակտիկապես, այլ նաև հոգեպես պատրաստվելն է շատ կարևոր»,- նշել է Մարեսկան նախախաղային ասուլիսի ժամանակ։

Հանդիպումը կկայանա վաղը՝ նոյեմբերի 7-ին, Երևանի ժամանակով 23։55-ին։

Այս թեմայով ԿԼ. «Նոայի» և օրվա մյուս հանդիպումները ԿԼ. «Նոայի» և օրվա այլ հանդիպումների ժամանակացույցը Դժվար խաղ է լինելու Հայաստանում. Ռադելիչը` «Նոայի» դեմ ԿԼ խաղի մասին ԿԼ. «Նոայի» խաղերի ժամանակացույցն ու մրցակիցները ԿԼ. «Նոան» 4-1 հաշվով հաղթեց «Օլիմպիային»(տեսանյութ)