Դեպի Ուրարտու. բրիտանացի հնագետները վերծանել են դեպի Նոյյան տապան տանող քարտեզը (ՖՈՏՈ)

Աշխարհի ամենահին քարտեզը նկարագրում է երթուղին և ցուցումներ տալիս, թե ինչպես հասնել «Ուրարտու»՝ վայր, որտեղ հանգրվանել է Նոյյան տապանը. 

Բրիտանական թանգարանի աշխատակիցները վերծանել են աշխարհի ամենահին քարտեզը, որը, ինչպես փորձագետներն են կարծում, կարող է հանգեցնել Նոյյան տապանի գտնվելու վայրին, գրում է Комсомольская правда-ն՝ վկայակոչելով The Sun-ը։

Փորձագետները երկար ժամանակ փորձել են վերծանել Imago Mundi կավե տախտակի վրա փորագրված կերպարները։ Այն հայտնաբերվել է 1882 թվականին Մերձավոր Արևելքում, Աբու Հաբբա քաղաքից ոչ հեռու և թվագրվում է մոտավորապես մ.թ.ա. 6-րդ դարին։

Տախտակի հետևի մասում պատկերված է գծապատկերային քարտեզ, որն ուղեկցվում է սեպագիր գրությունների մի քանի պարբերություններով, որոնք նկարագրում են Երկրի ստեղծումը: Գիտնականները կարծում են, որ դրանք աստվածաշնչյան պատմություններին հստակ հղումներ են պարունակում: Imago Mundi-ի հակառակ կողմը հանելուկ է, որը ցույց է տալիս Նոյյան տապանի գտնվելու վայրը: Հատվածներից մեկում նշվում է, որ մարդիկ պետք է քայլեն «յոթ լիգա, որպեսզի տեսնեն «պարսիկտ»-ի նման հսկայական բան»։

Լուսանկարը՝ The British Museum-ի

Բաբելոնյան այլ արտեֆակտներում «պարսիկտը» ասոցացվում է Նոյյան տապանի հետ։ Հետևյալ հատվածը նկարագրում է երթուղին և ցուցումներ է տալիս, թե ինչպես հասնել «Ուրարտու» հայկական թագավորություն՝ այն վայր, որտեղ, հին միջագետքի տեքստերի համաձայն, Նոյը և իր ընտանիքը խարսխել են տապանը: Գիտնականները ենթադրում են, որ այս վայրը գտնվում է Իրանից ոչ հեռու։

#ՆՈՅԱՆ ՏԱՊԱՆ

Այս թեմայով Սրանց պետք է հեռացնել, որ և՛ անկախ Հայաստան լինի, և՛ իրական հայ-ռուսական դաշինք․ Շարմազանով Լոս Անջելոսի իր տանը սպանվել է Նոյյան Տապան գրախանութի սեփականատերը «Հայի ուղեղն իր տեսակով հզոր շարժիչ է». կառուցվող ինտերակտիվ Նոյյան տապանում այցելուները կթրջվեն ջրհեղեղի տեսարանում Սահակաշվիլիի «Ուժերի զարթոնք» գրքի շնորհանդեսը չի կայանա նաև «Նոյյան տապան» գրախանութում «Ցմահ պաշտոններ չեն լինում». Հասմիկ Պողոսյան