Երեւանի ավագանիում «մանթո» վիճակ է

Այն, որ Երեւանի քաղաքապետ Տիգրան Ավինյանի գործերն այդքան էլ լավ չեն, պարզից էլ պարզ է, սակայն ոչ պակաս վատ է նաեւ Երեւանի ավագանու ոչ իշխանական խմբակցությունում տրամադրությունները:

Այպիսով, մեր աղբյուրը պատմում է, որ Երեւանի ավագանու «Հանրային Ձայն» խմբակցությունը շատ սրտնեղված նստած է մի անկյունում, «հոնքերը կիտել ու լաց է լինում», քանի որ այլեւս իր ձայները կարեւոր չեն Ավինյանի համար: Բանն այն է, որ ընդունված օրենքի համաձայն, նիստերին ոչ հարգելի բացակայելու դեպքում՝ քննարկման կդրվի տվյալ ավագանու անդամի մանդատից զրկելու հարցը: Այժմ բոլոր խմբակցության ավագանիները մեկ մարդու նման, պարտաճանաչ կերպով մասնակցում են նիստերին եւ ավտոմատ ապահովում քվորում:

Հետաքրքիրն այն է, որ եթե բոլոր ընդդիմադիր անդամները միասին վերցրած դեմ քվեարկեն որեւիցե նախագծի, միեւնույնն է, այդ նախագիծն անցնելու է, քանի որ «Քաղաքացիական պայմանագիր» եւ «Հանրապետություն» խմբակցություններն ամեն ինչից անկախ կազմում են այլեւս մեծամասնություն: Հետեւաբար, «Հանրային Ձայնի» ախորժակն այստեղ տուժում է: Վերջիններս էլ որոշել են գոնե իրենց ավագանու անդամ Արտակ Գալստյանին տնային կալանքից ազատեն, որպեսզի կարողանա մասնակցել նիստերին, ինչի համար էլ փորձում են ստորագրահավաք իրականացնել՝ ստորագրություններ հայցելով նաեւ մյուս խմբակցությունների անդամներից:

Սրանով «Հանրային Ձայն»-ը կրակում է երկու նապաստակ՝ նախ այստեղ մեծամասնություն ասվածն է խախտվում եւ որոշակիորեն մեկ ձայնը լինում է որոշիչ, ինչը կրկին հնարավորություն է տալիս ՀՁ-ին առնվազն գործարք առաջարկելու Ավինյանին, երկրորդ՝ իրականանում է Արտակ Գալստյանի մեծ ցանկությունը՝ լինել ավագանու նիստերին: Բայց, ըստ մեր աղբյուրի, ո՛չ ՔՊ-ն եւ ո՛չ էլ «Հանրապետություն» խմբակցության ավագանու անդամները չեն պատրաստվում մասնակցել այդ ստորագրահավաքին: Մնում են երկու խմբակցություններ ՝ «Մայր Հայաստան»-ը եւ «Ազգային առաջընթաց»-ը: Իսկ արդյոք նրանց դարդն ու ցավը Արտակ Գալստյանն է…

Արդյոք ՀՁ-ն կրկին ապավեն կգտնի իշխանությունից: Ըստ մեզ հասած լուրեր` Ավինյանը եւ ՔՊ խմբակցության ղեկավար Արմեն Գալջյանն էլ խորը հակակրանք ունեն ՀՁ-ի նկատմամբ եւ այլեւս ոչ մի տեսակի հարաբերություն չեն պահում նրանց հետ: Այդ «ակցիային» է միացել նաեւ իշխանության կոալիցիոն գործընկեր, Անի Խաչատրյանի կողմից ղեկավարվող «Հանրապետություն» խմբակցությունը: Ստացվում է, որ ՀՁ-ն մնացել է անտեսված ու լքված:

Նաեւ հետաքրքիր է այն փաստը, որ «Ազգային առաջընթաց» խմբակցությունն արդեն իսկ բաժանվել է երեք մասի: Առկա անհաշտություններն այս խմբակցությունում եւս աննկատ չեն անցնում քաղաքապետարանի աշխատակազմի ուշադրությունից:

Սեփ. լրատվություն

Այս թեմայով ԿԸՆ-ն մերժեց Տիգրան Ուրիխանյանի և Վարդան Ղուկասյանի գրանցումը «Արցախը Հայաստան է և վե՛րջ» գոռացողը արդարացնում է նույն Արցախում մշակութային և հոգևոր ցեղասպանությունը. Տիգրան Աբրահամյան Ընդդիմադիր մեկ ճակատով ընտրություններին մասնակցելը պահանջված մոտեցում էր. Փոստանջյան Ավինյանին ձայն տվեցինք, խաբեցին, չվերաբնակեցրեցին, մեր շենքը ջրի մեջ կորած է, վտանգի տակ ենք Օնիկ Գասպարյանը կոնտակտ էր փնտրում ոչ թե հանրության կամ լրագրողների հետ, այլ իշխանության․ Աբրահամյան