ՇՏԱՊ. Կլոնավորում են մեր պրոֆիլը՝ օգտագործելով մեր նկարներն ու հրապարակումները. Հայտնի տեղեկատվական անվտանգության փորձագետը զգուշացնում է

Թեմա 5 Նոյեմբեր, 2024 21:59

Հայտնի Տեղեկատվական անվտանգության փորձագետ, Friend ընկերության ղեկավար Արսեն Լեւոնյանը զգուշացնում է.

Սիրելի՛ ընկերներ, սոցցանցերում նոր խաբեության մեթոդ է շրջանառվում, որի նպատակն է՝ օգտագործել մեր վստահությունը՝ գումար կորզելու համար։

Ինչպե՞ս է դա տեղի ունենում

Հանցագործները կլոնավորում են մեր պրոֆիլը՝ օգտագործելով մեր նկարներն ու հրապարակումները, և ստեղծում են հաշիվ, որը շատ նման է մեր իրական էջին։ Այնուհետև նրանք ավելացնում են մեր ընկերներին և որոշ ժամանակ անց Messenger-ով կապ հաստատում նրանց հետ՝ ներկայանալով որպես մենք։ Նրանց հաղորդագրություններում պատմվում է «ծանր իրավիճակի» մասին, ինչի արդյունքում նրանք խնդրում են գումար փոխանցել:

Եվս մեկ քայլ՝ հանցագործները հաճախ ուղարկում են հղում՝ պատճառաբանելով, որ գումարը պետք է փոխանցվի հիվանդանոցի ծախսերը փակելու համար։ Սակայն իրականում այդ հղումները նախատեսված են անձնական կամ բանկային տվյալներ կորզելու համար։

Ինչպես պաշտպանվել

1. Եթե ստանում եք նման հաղորդագրություն՝ առաջին հերթին կապ հաստատեք իրական ընկերոջ հետ հեռախոսով կամ այլ վստահելի միջոցով՝ հաստատելու համար, որ նա է դիմել։

2. Երբեք մի՛ անցեք կասկածելի հղումների վրա և մի՛ մուտքագրեք ձեր անձնական կամ բանկային տվյալները։

3. Տարածեք այս նախազգուշացումը՝ ձեր ընկերներին և ընտանիքին ևս տեղեկացնելու համար։

Պաշտպանե՛ք ձեր տվյալները, եղե՛ք զգոն և հիշե՛ք, որ ցանկացած կասկածելի հաղորդագրություն ստանալիս կարևոր է ստուգել դրա իսկությունը։

https://iravunk.com/sim/?p=296994&l=am/