Եթե ​​Սևիկյանը մնար, գուցե կարիերայի ավելի հետաքրքիր ընթացք ունենար. Չիստյակով

«Նիժնի Նովգորոդի» սելեկցիոն ծառայության նախկին ղեկավար Անտոն Չիստյակովն ասել է, որ ակումբը Էդգար Սևիկյանի տրանսֆերի դիմաց կարող էր շատ ավելին ստանալ, քան այն գումարը, որի դիմաց նա տեղափոխվեց «Ֆերենցվարոշ»։

Այս տարվա սկզբին հունգարական ակումբը հայ ֆուտբոլիստին ձեռք էր բերել 1,2 միլիոն եվրոյով։ Չիստյակովի խոսքերով, «Կրասնոդարն» առաջարկել է գրեթե երեք անգամ ավելի, սակայն ֆուտբոլիստը նախընտրել է կարիերան շարունակել Եվրոպայում։

««Կրասնոդարը» մեզ երկու անգամ ավելին առաջարկեց, նույնիսկ երեք անգամ ավելի, քան «Ֆերենցվարոշը»։ Բայց Էդգարը շատ էր ցանկանում իրեն փորձել Եվրոպայում։

Մենք նախատեսում էինք նրան վաճառել ամռանը, երբ ավելի շատ տարբերակներ կլինեին։ Մենք զրուցեցինք Սևիկյանի հետ, համոզեցինք, որ ևս 6 ամիս մնա, հետո նոր կատարի հաջորդ քայլը։ Չնայած «Կրասնոդարի» առաջարկն իրականում լավն էր։

Եթե Էդգարը մնար, գուցե կարիերայի ավելի հետաքրքիր ընթացք ունենար»,- Չիստյակովի խոսքերն է փոխանցում sport24.ru-ն։

Հիշեցնենք, որ սեպտեմբերին Սևիկյանը վարձավճարով տեղափոխվել է Մոսկվայի «Լոկոմոտիվ», որտեղ անցկացրել է 9 հանդիպում և կատարել 3 գոլային փոխանցում։

Այս թեմայով Հեղինակավոր AS պարբերականը անդրադարձել է Սևիկյանի` Իսպանիա հեղափոխությանը Սևիկյանը վերջնական դուրս է մնացել «Ֆերենցվարոշի» հայտացուցակից. Որտե՞ղ կշարունակի կարիերան Հայ ֆուտբոլիստը Էդգար Սևիկյանը հեռացել է Տոլյատիի «Ակրոնից» Սևիկյանի համագործակցությունը «Լոկոմոտիվի» հետ ավարտվեց Մենք հավատում ենք Սևիկյանին, նա կվերադառնա և կլինի մեզ հետ. «Ֆերենցվարոշի» սպորտային տնօրեն