Ջազը և դասականը՝ նոր շնչով. Դենիս Մացուևը՝ երկու համերգներով Երևանում

Նոյեմբերի 8-ին և 9-ին ժամը՝ 19:00 «Արամ Խաչատրյան» համերգասրահում սպասվում է բացառիկ երաժշտական իրադարձություն. համաշխարհային ճանաչում վայելող դաշնակահար Դենիս Մացուևը վերադառնում է Հայաստան՝ ներկայացնելու իր անմոռանալի կատարումները։

Նոյեմբերի 8-ին Մացուևը կներկայացնի իր նշանավոր հեղինակային ծրագիրը՝ «Դասականը և ջազը», որն արդեն նվաճել է երաժշտական աշխարհի ամենահեղինակավոր բեմերը, ներառյալ Փարիզի Շանզ Էլիզեն, Մոսկվայի Մեծ թատրոնը և Վիեննայի Մուզիքֆերայնը։ Այս բացառիկ համերգային երեկոն միավորում է ջազի և դասականի հզոր ուժը՝ ստեղծելով եզակի երաժշտական մթնոլորտ, որը պարզապես չի կարելի բաց թողնել։ Մացուևի հետ բեմում հանդես կգան ինչպես դասական, այնպես էլ ջազային ու ժողովրդական երաժիշտներ, որոնք միասին կստեղծեն անզուգական մթնոլորտ։

Նոյեմբերի 9-ին Մացուևը հանդես կգա մենահամերգով՝ ներկայացնելով Լիստի, Բեթհովենի, Չայկովսկու և Պրոկոֆևի սիրված ստեղծագործություններից։ Սա նոր էջ է Մացուևի կատարողական արվեստում և խոստանում է նվաճել երևանյան հանդիսատեսի սրտերը։ Մացուևը բազմիցս նշել է, որ Երևանը իր սիրելի քաղաքներից է որտեղ նա մշտապես մեծ սիրով վերադառնում է։ Այս անգամ էլ արտիստը պատրաստ է ներկայացնել հայ հանդիսատեսին անմոռանալի կատարումներ՝ վերահաստատելով իր տաղանդի և սրտի կապը Երևանի հետ։

Շտապեք տոմսերը ձեռք բերել հետևյալ հարթակներից՝

tickets.hayafest.com

tomsarkgh.am

ticketon.am/ru/event/Denis_Matsuev_Jazz

Տեղեկությունների համար զանգահարել՝ +374 77 805687

Այս թեմայով Նյու Յորքում տեղի է ունեցել կոմպոզիտոր Լևոն Օգանեզովի հրաժեշտի արարողությունը ՆԱՏՕ-ն ռազմավարական պարտության առջև է կանգնած Ուկրաինայում. Իտալացի գեներալ Կյանքից հեռացել է իտալացի աշխարհահռչակ դիզայներ Ջորջիո Արմանին Ես գալիս եմ Իսպանիայից. իսպանացի լեգենդար երգչուհին առաջին անգամ հանդես կգա Երեւանում Արցախը Հայաստանի անբաժանելի մասն է, մենք վերադառնալու ենք. Դենիս Պողոսյան