Ինձնից սկսած՝ բոլորի աշխատանքից դժգոհություն կա, Փաշինյանն էլ է քննադատել ինքն իրեն․ Հրաչյա Հակոբյան

ՔՊ–ական պատգամավոր Հրաչյա Հակոբյանը լրագրողների հետ զրույցում խուսափեց պատասխանել, թե ինչ են քննարկել երեկ ՔՊ նիստում։

«Մանրամասներ չեմ ուզում ասել, դա մեր ներթիմային հարցերն են, որոնք պարբերաբար քննարկում ենք»,– ասաց նա՝ նշելով, որ էթիկապես ճիշտ չի համարում մանրամասներ հայտնելը։

Անդրադառնալով լրագրողի հարցին, թե արդյոք խնդիրներ կան թիմի ներսում՝ Հակոբյանն ասաց․ «Խնդիրներ այս վեց տարվա ընթացքում մի շտ եղել են, մենք քննարկել ենք տարբեր խնդիրներ մեր կուսակցության ներսում»։

Նա նշեց, որ մամուլից է իմացել, թե ինքը դժգոհ է ԱԺ պաշտպանության և անվտանգության հանձնաժողովի նախագահ Անդրանիկ Քոչարյանից ու նրա դեմ գործընթաց է ձեռնարկել, ապա կրկին հրաժարվեց մանրամասներ ներկայացնել նիստից։

«Նմանատիպ քննարկումներ շատ է եղել մեր թիմում, շատ ենք հավաքվել փակ դռների հետեւում, խոսել ենք ամեն ինչի մասին, քննադատել ենք իրար։ Ինձնից սկսած՝ բոլորի աշխատանքից դժգոհություն կա։ Փաշինյանն իր խոսքում քննադատել է նաև ինքն իրեն»,– լրագրողներին ասաց Հակոբյանը։

Այս թեմայով Ինչպես փաՌատոները վերածվեցին փաՐատոների... Ի՞նչ իմաստ ունի զբաղեցնել այդ պաշտոնը․ ԶԱՐՄԱՆՔ Միայն ՌԴ-ն է ազնիվ եւ ուղիղ ասում, որ Արցախի հարցի փակման փորձերը թուլացնում են նաեւ ՀՀ-ն․ Հակոբյան Թեժ է լինելու․ ինչ է սպասվում 18 արդարների գործով դատական նիստին Նիկո՛լ, սա էլ կանցնի, Մխիթար Գոշի դատաստանով ես դատվելու. քաղաքացի