Այ քեզ անակնկալ. ԶԱՐՄԱՆՔ

Զարմանալի, եթե չասենք՝ աբսուրդային հայտարարությամբ է հանդես եկել սպարապետ Վազգեն Սարգսյանի եղբայրը՝ «Հանրապետություն» կուսակցության ղեկավար ԱՐԱՄ Զ. ՍԱՐԳՍՅԱՆԸ: Հոկտեմբերի 27-ի ոճրագործության տարելիցին նա լրագրողների հետ զրույցում ասել է. «Ես չգիտեմ՝ «Հոկտեմբերի 27»-ի գործի ամբողջական բացահայտմանն ինչն է խոչընդոտում, դա հարցրեք քննչական մարմիններին, դատախազությանը, ինձ համար գործը բացահայտված է»: Ապա հավելել է. «Եթե ակնկալում եք, որ ես պետք է անուն տամ, ես նման բան չեմ անի»: Ու սա ասում է մարդ, ով ոճրագործությունից հետո՝ վեց ամիս վարչապետ է աշխատել ու գործի բացահայտման ուղղությամբ ո՛չ որպես պետական գործիչ, ո՛չ որպես սպարապետի եղբայր մատը մատին չի խփել: Էլ չասենք, որ եթե այս գործում մեղավորություն ունեցող անձանց անուններ գիտի ու չի ասում, նշանակում է առաջին հերթին, որպես քաղաքացի, չի կատարում իր պարտքը եւ հանցավոր լռություն է պահպանում, այն էլ ո՛չ ավել, ո՛չ պակաս մի գործով, որտեղ թափվել է եղբոր արյունը:

Ոչ պակաս ապշեցնող հայտարարություն է արել ԵԿՄ նախագահ ՍԱՍՈՒՆ ՄԻՔԱՅԵԼՅԱՆԸ: Նա ուղիղ նշել է, որ կողմ է սահմանազատմանը, քանի որ. «Այսօր մենք ոչ մի հնարավորություն չունենք` ադրբեջանցու դեմ կռվելու»: Այ քեզ անակնկալ, փաստորեն, մի՞ֆ էր իշխանության այդքան գովազդած ֆրանսիական ու հնդկական զենքերի ձեռքբերումը: Թե՞ ինչպես Արցախում եղավ, ինչքան շատ զենք ունենանք, այնքան շատ զենք վերջում էլի հանձնելու են ադրբեջանցուն: Բայց սա էլ մի կողմ՝ ի վերջո, այդ ինչպե՞ս է ստացվում, որ ապրիլյան պատերազմի ժամանակ կարողացանք կռվել ու պաշտպանվել նույն ադրբեջանցուց, իսկ հիմա՝ հնարավորություն չունենք: Ի՞նչն է փոխվել, փոխվել է միայն իշխանությունը, որի կողքին կանգնած է Միքայելյան Սասունը: Եվ, վերջիվերջո, Սնուփ Դոգի համերգի համար 6 միլիոն դոլար գումար գտել է այս իշխանությունը, իսկ զենք գնելու ու զինվելու համար հնարավորություն չունի՞:

Իսկ զավեշտալի արդարացումներով հանդես է եկել ՀՀ ֆինանսների նախարար ՎԱՀԵ ՀՈՎՀԱՆՆԻՍՅԱՆԸ։ Նա մասնավորապես հարց է բարձրացնում. «Ո՞վ է ասում, որ թաքցրել եմ իմ հյուրատան եւ նախարարության միջեւ կատարված գործարքից ստացած եկամուտները, դա սուտ է» ։ Դիտարկմանը, թե ի՞նչն է սուտ, եթե իր տան հասցեում գրանցված հյուրատունը փոխանցվել է Գրիգորի անունով քաղաքացու , բայց ինքը շարունակում է հաշվառված մնալ այդ տանը՝ Հովհաննիսյանը արձագանքել է, թե դա ինչ կապ ունի իր հասցեին հնչեցված հարցի հետ։ Լավ, դուք իրո՞ք հույսներդ դրել եք, որ շարքային քաղաքացին ամեն անգամ աչք է փակելու ու խորամուխ չի լինելու, թե ինչ «բողկեր եք ուտում»:

Ուշագրավ հայտարարություն է հրապարակվել Հայաստանի՝ ԵՄ անդամակցության գործընթացին նպաստող օրինագծի նախաձեռնող խմբի «ԵՎՐԱՔՎԵ»-ի անունից; «Մենք անհրաժեշտ 50 հազար ստորագրությունների փոխարեն՝ հավաքագրեցինք 60 հազարը նախանշված ժամկետից գրեթե կրկնակի ավելի շուտ՝ գերազանցելով նույնիսկ ամենահամարձակ սպասումները»: Պատկերացնո՞ւմ եք՝ նույնիսկ հանուն Արցախի նախաձեռնված ստորագրահավաքն այդպիսի արագությամբ չհավաքվեց, իսկ ահա եվրասոդոմությանը ձգտող 60 հազար քաղաքացի է մեր կողքին ապրում: Այս ե՞րբ այսքան այլասերվեց մեր հասարակությունը, մի՞թե Արցախից թանկ է շենգեն վիզան, որն իբրեւ մանանա հույս ունեն ստանան, բայց այդպես էլ մնալու են վիզները ծուռ՝ Եվրամիության դռանը կանգնած:

Զարմացած է «Իրավունք»-ը

Այս թեմայով Ըստ Սասուն Միքայելյանի՝ ՀՀ-ն պետական սահման չունի. «Սկանդալային հայտարարություն չեմ անում, տենց ա» Թույլ չտա՛նք, որ զանազան մանիպուլյացիաներով արժեզրկեն մեր անցյալի հաղթանակները․ Սերժ Սարգսյան Հազար նոր ավտոբուս էլ բերենք, պիկ ժամերին հնարավոր է քչություն անի. Աշոտ Սարգսյան ՔՊ-ի կեղտոտ սպիտակեղենը փռել են արեւին Հայկ Սարգսյանն ասեց՝ պապայի ընկերն ա, կարա՞ գա. Սիմոնյանը մանրամասներ է պատմում քրեական հեղինակության հետ հանդիպումից