«Իրավունք» թերթի անձնակազմը պատվով կատարել է իր առաքելությունը 35 տարի. Վահան Բաբայան

Հարգարժան պարոն Բաբուխանյան,

Ռեֆորմիստների կուսակցության անունից շնորհավորում եմ «Իրավունք» թերթի հիմնադրման 35-ամյակի կապակցությամբ։

«Իրավունք» թերթը մշտապես իր ուրույն տեղն է զբաղեցրել հայկական տպագիր մամուլում։

Այսօր, երբ մամուլն արդեն թեւակոխել է թվային դարաշրջան, «Իրավունք» թերթը ոչ միայն չի կորցրել իր արդիականությունը, այլեւ նվաճել է նաեւ թվային մամուլի դաշտը։

Պարբերականը միշտ եղել է օբյեկտիվ տեղեկատվության աղբյուր, իր ընթերցողին տրամադրելով ստուգված եւ հիմնավորված նյութեր, ինչով առանձնացել է թրենդային հոսանքների ազդեցությանը տրվող բազմաթիվ այլ լրատվականներից։

Անհնար է գերագնահատել մամուլի, հատկապես՝ անկախ մամուլի, կարեւորությունը յուրաքանչյուր պետության կայուն եւ ներդաշնակ զարգացման համար։ Առավել ցայտուն դա երեւում է ժամանակակից աշխարհում, որտեղ քարոզչությունն ու հակաքարոզչությունը մեծ ազդեցություն ունեն քաղաքական, սոցիալական եւ այլ գործընթացների վրա։

«Իրավունք» թերթի անձնակազմը պատվով կատարել է իր առաքելությունը 35 տարի։

Հարգելի պարոն Բաբուխանյան, Ձեր ավանդը թերթի կայացման եւ զարգացման գործում անգնահատելի է։ Վստահ ենք, որ Ձեր գլխավորությամբ «Իրավունք»-ը կնվաճի նոր բարձունքներ։

Մաղթում ենք նորանոր հաջողություններ։

Ռեֆորմիստների կուսակցության նախագահ

ՎԱՀԱՆ ԲԱԲԱՅԱՆ

Այս թեմայով ՏԻՄ ընտրություններից առաջ ընտրական հանձնաժողովները ստացել են 6 դիմում և գրություն․ բոլոր հարցերին օպերատիվ լուծում է տրվել. ԿԸՀ նախագահ Բերման են ենթարկվել Արթիկում՝ «Ապրելու երկիր» կուսակցության համայնքապետի թեկնածու Արթուր Աստոյանը և մի շարք թիմակիցներ Տեղի ունեցավ ՍԻՄ կուսակցության 29-րդ համաժողովը Քիմին հիշել է, Հայաստանը՝ դեռ ոչ «Ուժեղ Հայաստան» կուսակցության՝ Ստեփանավանի համայնքապետի թեկնածու Արսեն Գևորգյանին կալանավորեցին