ՇՆՈՐՀԱՎՈՐՈՒՄ ԵՆՔ 

ՀՀ ժուռնալրստների միությունը իր ֆեյսբուքյան էջում շնորհավորել է <<Իրավունք թերթի>> 35 ամյակին նշելով.

«Իրավունք» թերթն արդեն 35 տարեկան է: Մի ամբողջ պատմություն ու մեծ ճանապարհ:

«Սահմանադրական Իրավունք Միություն» կուսակցության պաշտոնաթերթն իր հիմնադրման օրվանից 35 տարի անց էլ հավատարիմ է իր որդեգրած քաղաքականությանը:

Ինչպես տարիների պատմություն ունեցող հայաստանյան շատ լրատվամիջոցներ, «Իրավունքը» նույնպես կայացել է դժվարին ճանապարհ անցնելով, բախվելով բոլորիս առջև կանգնած խնդիրներին, մարտահրավերներին, սակայն պահպանելով իր տեղը հայկական լրատվադաշտում:

«Իրավունքի» համար ծանր հարված էր տարեսկզբին թերթի երկարամյա գլխավոր խմբագիր Հովհաննես Գալաջյանի անժամանակ հանկարծամահությունը, բայց խմբագրակազմը հաղթահարեց նաև այդ փորձությունը և շարունակեց իր բնականոն աշխատանքը: 

Հայաստանի ժուռնալիստների միությունը ջերմորեն շնորհավորում է «Իրավունքին»՝ հիմնադրման 35-րդ տարեդարձի առթիվ, մաղթում, որ թերթը շարունակի իր անխոչընդոտ ընթացքը և մշտապես արդարացնի իր ընթերցողների սպասումները:

ՀԱՅԱՍՏԱՆԻ ԺՈՒՌՆԱԼԻՍՏՆԵՐԻ ՄԻՈՒԹՅՈՒՆ

Այս թեմայով Նկարիչներն ընտրելու են միության նոր նախագահ․ թեկնածուներից ով ում բարեկամն է Սա պատերազմ է հայ հավատացյալ ժողովրդի դեմ․ Հայկ Բաբուխանյան Ղարաբաղյան պատերազմի վետերանների միությունը հայտարարությամբ է հանդես եկել Բացառում եմ. Փաշինյանը՝ 2013 թ. Մաքսային միության ուղղությամբ գնալու որոշման կրկնության մասին Աշխարհը՝ պատկերված կենսաբանի ինքնատիպ ձեռագրով