Կոչ եմ անում այս տարի վերջնականացնել խաղաղության պայմանագիրը․ Բայդենը՝ Ալիևին

ԱՄՆ նախագահ Ջո Բայդենը նամակ է հղել Ադրբեջանի նախագահ Իլհամ Ալիևին։

Նամակում Բայդենը գոհունակություն է հայտնել Հայաստանի և Ադրբեջանի միջև խաղաղության պայմանագրի կնքման ուղղությամբ արձանագրված առաջընթացի կապակցությամբ, որը, ըստ նրա, «կծառայի երկու երկրների միջև հարաբերությունների կարգավորմանը»։

«Ուզում եմ ձեզ հավաստիացնել, որ Միացյալ Նահանգները պատրաստ է աջակցել Ադրբեջանի և Հայաստանի միջև կայուն և արժանապատիվ խաղաղության ձեռքբերմանը, որը վերջնականապես վերջ կդնի երկարամյա հակամարտությանը»,- ասվում է նամակում։

Բայդենը նշել է, որ «խաղաղության պայմանագիրը ոչ միայն կապահովի Ադրբեջանի ինքնիշխանությունն ու տարածքային ամբողջականությունը, այլև կվերափոխի ողջ տարածաշրջանը և կծառայի Եվրոպայի և Կենտրոնական Ասիայի միջև առևտրի, ներդրումների և կապերի զարգացմանը»։

«Այն ժամանակ, երբ շխարհի ուշադրությունը կենտրոնացած է Բաքվի վրա՝ կապված COP29-ի հետ, սա եզակի հնարավորություն է՝ բացառիկ հնարավորություն է ի հայտ եկել՝ ցույց տալու համաշխարհային հանրությանը ձեր նվիրվածությունը խաղաղությանը: Խաղաղության պայմանագրի չհամաձայնեցված կետերի շուրջ աշխատանքի ավարտը կպահանջի ստեղծագործական մոտեցում և փոխզիջում երկու կողմերից էլ: Բայց ես վստահ եմ, որ դուք կօգտվեք այդ հնարավորությունից: Առաջարկում եմ այս տարի վերջնականացնել պայմանագիրը»,– նշել է Բայդենը։

Euromedia24.com

Այս թեմայով Առանց հարևանների հետ հարաբերություններ կառուցելու՝ անհնար է դառնալ տարանցիկ երկիր․ Ալիև Կարծես Ֆիդանը և Ալիևը իրար հետ մրցում են, թե ով է լինելու ՔՊ-ի նախընտրական շտաբի պետը. Խաչատրյան Բայդեն. Հաջորդ ամիս Պարսից ծոցում խոշոր պատերազմ է լինելու` Նեթանյահուի ու Թրամփի գլխավորությամբ Մեծ Բրիտանիայում հայտարարել են՝ Թրամփը «Բայդեն է դառնում» Բայդենը հազիվ թե նախագահ լիներ. Թրամփ