«Իրավունք» թերթի տպագիր համարներ

«Ժողովուրդ». Սեւանի ափի ճեմուղին չկա, բայց գումարները արդեն հատկացվել են

Մամուլի տեսություն

«Ժողովուրդ» օրաթերթ-ը գրում է. «Պետության բյուջեից հատկացվել է 43 մլն դրամ՝ «Սեւան ազգային պարկի» Լճաշեն-Սեւանի թերակղզի հատվածի գոտեւորման նախագծի եւ քաղաքաշինական կանոնադրության մշակման աշխատանքներն իրականացնելու համար, սակայն նախագիծը չի հաստատվել, «այն կյանքի կոչվել չի կարող, եւ այդ ուղղությամբ գումար չի ծախսվել»։ 2025 թվականին նախագծի իրականացման համար կհատկացվի 43 մլն դրամի 3 անգամ ավելին՝ 121 մլն դրամ։

Պատմությունը սկսենք սկզբից. 2022 թվականին փոխվարչապետ Համբարձում Մաթեւոսյանի գլխավորությամբ, շահագրգիռ պետական մարմինների ղեկավարների ու ներկայացուցիչների մասնակցությամբ մարտի 4-ին տեղի ունեցավ խորհրդակցություն՝ հանրային լողափերի եւ Սեւան-Լճաշեն ճեմուղու նախագծի վերաբերյալ:

Հանրային լողափերի հասանելիությունը բարձրացնելու նպատակով խորհրդակցության ժամանակ քննարկվել էր մյուս հինգ լողափերը շահագործման հանձնելու, ինչպես նաեւ Լճափ, Շորժա, Նորատուս եւ Մարտունի համայնքներում եւս 4 նոր հանրային լողափեր ստեղծելու, հանրային բոլոր լողափերի համար չափորոշիչները լավարկելու հնարավորության հարցը, ինչպես նաեւ ներկայացվել էին «Սեւան ազգային պարկ»-ի Լճաշեն-Սեւանի թերակղզի հատվածի գոտեւորման նախագիծը, դրա իրականացման հետ կապված խնդիրներն ու լուծման տարբերակները։

«Ժողովուրդ» օրաթերթը հարցումով դիմել էր ՀՀ վարչապետի աշխատակազմ՝ պարզելու՝

Քննարկումից հետո ի՞նչ աշխատանքներ են կատարվել տվյալ նախագծի վերաբերյալ մինչեւ 2024 թվականի հոկտեմբերի 4-ը:

Արդյոք կառավարությունը ֆինանսական որեւէ միջոց հատկացրե՞լ է նախագծի կյանքի կոչման համար եւ ինչքա՞ն գումար է ծախսել:

Երկու տարիների ընթացքում ի՞նչ առաջընթաց է գրանցվել հանրային լողափերը շահագործման հանձնելու մասով:

Ստացանք 4 էջանոց պատասխան, որի մեջ ուշագրավն այն էր, որ նախագծի ներկայացման ընթացքում առարկություններ չեն եղել, սակայն այն ունեցել է մի շարք թերություններ։

«2 հանրային լսումների շրջանակում նախագծի նկատմամբ սկզբունքային առարկություն չլինելու պարագայում՝ վերջինիս վերաբերյալ դրական արձագանք արտահայտելու նպատակով նախագծի իրագործման գործիքակազմի վերաբերյալ լրացուցիչ տեղեկատվության վերաբերյալ հանրության/տարածքում տնտեսվարողների պահանջին ի պատասխան՝ կատարվել են հետեւյալ աշխատանքները.

1․ քանի որ տրամադրված ելակետային նյութերում բացակայում էին Սեւանա լճի շրջակա միջավայրի նախարարության «Սեւան» ազգային պարկ» ՊՈԱԿ-ի տվյալ հատվածում տեղակայված բոլոր գույքերի տեղադիրքերը՝ արտահայտված քարտեզների վրա, ինչպես նաեւ դրանց սեփականության ձեւերը եւ վարձակալության ժամկետները, տրվել է հանձնարարական՝ ազգային պարկի ճարտարապետի հետ համատեղ առկա ցանկերի հիման վրա տեղակայել գույքերը։

2․ շրջակա միջավայրի նախարարությանը՝ շրջակա միջավայրի նախարարության «Սեւան» ազգային պարկ» ՊՈԱԿ-ից ձեռք բերել կամ տեղադրել հողհատկացումները եւ գույքերը քարտեզի վրա ու տրամադրել որպես ելակետային նյութ՝ Նախագծում ներառելու եւ դրա հիման վրա լրամշակելու։

3․էկոնոմիկայի նախարարությանը՝ մշակել գործիքակազմ Նախագծի իրագործման գործընթացում տնտեսվարողների հատուցման կամ համարժեք լոտերի տրամադրման ուղղությամբ (իրագործման բիզնես գործընթացի նկարագրություն)։ Երկու ուղղությամբ էլ աշխատանքներն ընթանում են», – ասված է հայտարարության մեջ։

Նախագիծը կարգավորող տվյալ կետերին հաջորդում է հետեւյալ նախադասությունը՝ «քանի դեռ Նախագիծը հաստատված չէ, այն կյանքի կոչվել չի կարող, եւ այդ ուղղությամբ գումար չի ծախսվել»:

Հարցման պատասխանից հասկանում ենք, որ նախագծով նախատեսված աշխատանքների համար 2024 թվականին պետական բյուջեով, ինչպես նաեւ 2025 թվականի պետական բյուջեի նախագծով ուղղակիորեն գումարներ նախատեսված չեն: 2025 թվականի պետական բյուջեի նախագծով Սեւանա լճի ջրահավաք ավազանի առափնյա հատվածների քաղաքաշինական գոտեւորման նախագծի ֆինանսավորումը նախատեսված է 2025 թվականի ժամանակահատվածի առաջնահերթությունների ցանկում, մոտ 121 մլն դրամ է։

Այս թվարկումները մեկ բան են նշանակում. 4 տարի է իշխանությունները չեն կարողանում ավարտին հասցնել հանրային լողափերի եւ Սեւան-Լճաշեն ճեմուղու նախագիծը, չեն կարողանում ավարտին հասցնել Վեդու ջրամբարի կառուցումը, ժամանակին չեն հասցնում ավարտել «300 դպրոց, 500 մանկապարտեզ» ծրագիրը։ Նման մի շարք ծրագրեր անավարտ են, կիսատ, սակայն իշխանությունը տնտեսության ակտիվության ցուցանիշի համար երանելի թվեր է նկարում»։
Առավել մանրամասն թերթի այսօրվա համարում
ՈՒՂԻՂ. Նիկոլի բանանը, Ալենի ոտքերն ու ընդդիմության անձեռոցիկները. ՀԱՅԿ ԲԱԲՈԻԽԱՆՅԱՆ Նոյեմբերի 9-ի հայտարարության կատարման դեպքում Արցախը կունենայինք, ԹՐԻՓՓ-ն էլ չէր լինի․ Հայկ Բաբուխանյան ՈՒՂԻՂ. Համախմբվում են որ ի՞նչ անեն․ Հայկ Բաբուխանյան ՈՒՂԻՂ․ Ինչու իրար ծեծեցին ուժեղներն ու դուխովները․ Հայկ Բաբուխանյան Նեոնացիզմի փաստաբան «կատակասեր» Սարիկը ՇՆՈՐՀԱՎՈՐԱՆՔ Տեղի ունեցավ ՍԻՄ կուսակցության 29-րդ համաժողովը ՑԱՎԱԿՑԱԿԱՆ ՈՒՂԻՂ․ Ի՞նչ ճանճ է կծել Նիկոլին․ Հայկ Բաբուխանյան Նիկոլի Արցախից հրաժարվելը տեղի ունեցավ Եվրամիության , հատկապես Ֆրանսիայի, ճնշման ներքո Ամենագաղափարական ընդդիմությունը մենք ենք․ Հայկ Բաբուխանյան ՈՒՂԻՂ. Նիկոլը յավաշ֊յավաշ ու կհանձնի Հայաստանը. Հայկ Բաբուխանյան Սա պատերազմ է հայ հավատացյալ ժողովրդի դեմ․ Հայկ Բաբուխանյան Քոչարյանական դաշինքը ոտնահարում է ոչ միայն Ղրիմի, այլեւ Արցախի իրավունքը Սրանից ավել էլ ի՞նչ անեն, հոգևորականներին կախե՞ն ծառից, գնդակահարե՞ն նրանց․ Հայկ Բաբուխանյան Ժողովուրդ ջան, մեր երկիրը մազից է կախված, եկեք փորձենք փրկել․ Հայկ Բաբուխանյան Ժողովուրդը պետք է որոշի՝ ուզում է մնալ ԵԱՏՄ-ում, թե՞ գնալ Եվրամիություն․ Բաբուխանյան Եթե Փաշինյանը դավաճանա, ինչի՞ եք իր հետ նույն սեղանի շուրջ նստում․ Բաբուխանյան (տեսանյութ) ՀՀ-ում ստորագրահավաք է սկսվել արտաքին քաղաքական հարցով հանրաքվե անցկացնելու համար Պաշտպանենք Անկախության հռչակագրի յուրաքանչյուր տառը․ Հայկ Բաբուխանյանի կոչը կուսակցություններին Ինչ նոր իրական ընդդիմություն է ձեւավորվում ԱԺ-ից դուրս․ Բաբուխանյանը փակագծեր է բացում Հայաստանի ապագան որոշվելու է ոչ թէ ԱԺ-ում, այլ հանրաքվեով. Հայկ Բաբուխանյան Ուղիղ. Նիկոլը նորից ստացավ իր երազած ընդդիմությունը. Հայկ Բաբուխանյան ՈՒՂԻՂ. Ընդդիմության մանդատապաշտությունը Ծառուկյանին հետապնդելու ժամանա՞կ է բռնում․ Բաբուխանյան Ընտրության արդյունքները Փաշինյանի հետ պայմանավորվածության հետևանք է, կամ էլ՝ անգրագիտության