«Իրավունք»-ը դիմացել է տարբեր գարշելի հարվածների եւ միշտ հաղթել՝ դառնալով 35 տարեկան. Շաքարյանց

Ես գիտեմ, որ «Իրավունք» թերթը մեծ կորուստ է տարել: Գլխավոր խմբագիր Հովհաննես Գալաջյանը թերթի ակունքներում է կանգնած եղել: Մաղթում եմ, որ 40-ամյակին կորուստներ չունենաք: Կգանք, թեկուզ եւ ծերացած տեսքով իրար կշնորհավորենք, կհիշենք հին ժամանակները, երբ ընդհանուր առմամբ նույն հակալեւոնական պայքարի մեջ էինք միասին: Վստահ եմ, որ «Իրավունք» թերթը չի մեռնի՝ ուրիշ թերթերի նման: Ես կարծում եմ, որ շատ լավ հասկանում եք՝ ինչ եմ ակնարկում:

Շատ ու շատ լրատվամիջոցներ իրական մահ են ապրել եւ մնացել են միայն ինտերակտիվ տարբերակով: Ես ցանկանում եմ, որ «Իրավունք» թերթն ուժեղանա այս ընթացքում եւ, ինչու ոչ, «Սահմանադրական իրավունք միություն» կուսակցության դիրքորոշումներից չհրաժարվի: Դա հին կուսակցություններից մեկն է, եւ պետք չէ, որ մենք, աստիճանաբար կորցնելով հին ընկերներին, կորցնենք նաեւ այդ կուսակցությունը, այս թերթը եւ այլն: Մենք պետք է հույս ներշնչենք այսօրվա աշխատակազմին, որպեսզի նրանք, այնուամենայնիվ, հավատարիմ մնան իրենց սկզբունքներին եւ գուցեեւ կլինեն շատ լավատես եւ հույսեր ներշնչող ձեռքբերումներ:

Մաղթում եմ, որպեսզի ազգովի վերադառնանք մեր ազգային արժեքներին, նաեւ մեր ազգային պատմությանը, փիլիսոփայությանը, իսկ այդ ազգային ճանապարհը «Իրավունք» թերթը եւ ՍԻՄ կուսակցությունը միշտ էլ փորձել են պահպանել: Այնպես որ, մաղթում եմ, որ 35-ամյակը շատ լավ նշվի եւ 40-ամյակին մենք  կրկին հանդիպենք, կրկին ուրախանանք, որ դիմացել ենք տարբեր գարշելի հարվածներրի, ոչ ցանկալի իրադարձությունների: Բոլորին դիմացել ու հաղթել ենք, ու էլի ազգայինը գերակշռում է մեր ամենօրյա կյանքում, եւ «Իրավունք»-ը շարունակում է կողմնակից լինել ազգային տարբեր կարգերի հայեցակարգերին, տեսակետներին եւ նախագծերին:

Քաղաքագետ

ՍԵՐԳԵՅ ՇԱՔԱՐՅԱՆՑ

Այս թեմայով ԳԵՆԵՐԱԼԻ ԱՆՈՒՆԸ ՁԵՐ ՔԱՂԱՔԱԿԱՆ ՀԱՇՎԵՀԱՐԴԱՐՆԵՐԻ ԳՈՐԾԻՔԸ ՉԷ. ՀԱՅՏՆԻ ՓԱՍՏԱԲԱՆԻ ԴԻՊՈՒԿ ԱՐՁԱԳԱՆՔԸ ՀՐԱՏԱՊ. պետական ինքնիշխանության հաշվին արված սխալի բեռը կարող է մնալ սերունդների ուսերին Անկարայի և Բաքվի հարաբերությունների վրա ազդում են արտաքին գործոններ, նրանց միջև տարաձայնություններն ակնհայտ են դարձել Առանց Իրանի սկզբունքային դիրքորոշումը հաշվի առնելու՝ TRIP-ը կարող է վերածվել աշխարհաքաղաքական առճակատման լրացուցիչ աղբյուրի 20 տարին մի ամբողջ դարաշրջան է. «Կոմսոմոլսկայա պրավդա վ Արմենիի» թերթը նշում է իր  հոբելյանը