Մեր խնդիրը վրացական համայնքի աշխատանքն ապահովելն է. Սվետլանա Նամչեւաձե

 

 

— Այսօր իսկապես շատ նշանակալի օր է: Կառավարության որոշմամբ հոկտեմբեր ամսվա առաջին կիրակի օրը Ազգային փոքրամասնությունների տոնն է: Այսինքն` մեր ազգային փոքրամասնությունների տոնն է: Մեր համայնքի գլխավոր նպատակն այն է, որ սովորեցնենք լեզուն, մշակույթը եւ ազգային ինքնությունը պահպանել եւ փոխանցել սերունդներին: Դրա հետ միասին մեր համայնքի կարեւոր նպատակը նաեւ հայ-վրացական բարեկամությունն ամրացնելն է, ինչպես նաեւ շարունակելն է դադար չտալ այդ կապերի ստեղծմանը եւ ամրապնդմանը:

 

 

— Խնդիրը միայն այն է, որ մենք կարողանանք ապահովել մեր համայնքի աշխատանքը: Ի դեպ, մենք ունենք նաեւ կիրակնօրյա դպրոց, որտեղ սովորեցնում ենք վրացերեն եւ անկախ նրանից՝ տվյալ անձը հայ է, վրացի , թե այլ ազգից է, կարող է անվճար սկզբունքով գալ մեզ մոտ, եւ սովորել վրացերեն: Դա կլինի ե՛ւ պար, ե՛ւ երգ, ե՛ւ մշակույթի հետ ծանոթություն եւ ընդհանրապես, մեր համայնքի կյանքին մոտիկից ծանոթանալու հնարավորություն:

Մենք շատ հետաքրքիր միջոցառումներ ունենք: Պետք է ընդգծեմ, որ ե՛ւ տոներն ենք նշում, ե՛ւ վերջերս եղել ենք Ախալքալաքում: Ի դեպ, մենք նաեւ կառավարությունից ստացած տուրիստական դրամաշնորհ ունենք եւ դրա շնորհիվ մեզ հաջողվեց կազմակերպել ամեն բան եւ պետք է նշեմ, որ դրանից մենք ստացանք շատ մեծ բավականություն: Մենք բոլորս գրեթե առաջին անգամն էինք գտնվում այնտեղ: Դրանից առաջ մեր համայնքը տուրիստականով եղել է նաեւ Գյումրիում: Այդ ամենից զատ՝ մենք նաեւ տարբեր ծրագրեր ունենք: Գիրք ենք թողարկել, որ պետք է նաեւ դրա շնորհանդեսն անենք: Հետո կրկին Ամանորի նախաշեմին մենք միջոցառում կանենք եւ կամփոփենք տարին մինչ մյուս տարի:

 

ԴԻԱՆԱ ՄԱՆՈՒԿՅԱՆ