Կարո՞ղ է հիմա էլ սովն է չոքելու մեր դռանը. ԶԱՐՄԱՆՔ

«Քաղաքացիական պայմանագիր» կուսակցության Ժողովրդավարության դպրոցում այդպես էլ բուհը չավարտած ՆԻԿՈԼ ՓԱՇԻՆՅԱՆԸ դասախոսությամբ է հանդես եկել: Այն, որ Փաշինյանը աղանդավորական հակումներ ունի եւ գայթակղության Աստվածաշունչ մեկնաբանելու՝ իր ձեւով, մեկ անգամ չէ, որ ականատես ենք եղել, բայց սա կամաց-կամաց վերածվում է պաթոլոգիայի: «Երբ Աստված բարկանում է եւ Ադամին ու Եվային վռնդում է դրախտից, անիծում է նրանց եւ ասում է՝ քո երեսի քրտինքով կուտես հացդ՝ մինչեւ հող դառնալդ։ Աստված ասել է՝ քրտնես, հիմա, թե տրենաժորի վրա կքրտնես, թե տառապելուց կքրտնես…»,- սա է Փաշինյան Նիկոլի տրամաբանությունը: Մեղա՜-մեղա…

Գլխավոր դատախազությունը ՀՀ երկրորդ նախագահ Ռոբերտ Քոչարյանի որդուց՝ ՍԵԴՐԱԿ ՔՈՉԱՐՅԱՆԻՑ ու կնոջից պահանջում է բռնագանձել 14 անշարժ գույք ու 2.7 մլրդ դրամ: Այսպիսով՝ դատախազությունը պահանջում է բռնագանձել 14 անշարժ գույք, Երեւան քաղաքում 1 բնակարանի գնման իրավունք, ինչպես նաև 11 իրավաբանական անձում մասնակցություն։ Ինչպես նաեւ պահանջվում է բռնագանձել 1,361,852 դոլարով եւ 985,190,729 դրամով ձեռքբերված պարտատոմսեր, 703.059 եւ 200.000.000 դրամի չափով ներդրված ավանդ, 8 մլրդ 235,4 մլն դրամի, 4, 007, 674 դոլարի, 588. 954 եւ 16.000.000 չափով տրամադրված փոխառության պահանջի իրավունք։ Ռուբլու չափով տրամադրված փոխառության պահանջի իրավունք 2.721.319.175 ՀՀ դրամ՝ որպես ապօրինի ծագում ունեցող դրամական միջոցների մնացորդ 11.270.472.767 ՀՀ դրամ՝ որպես անձի օրինական եկամուտներով չհիմնավորվող, ապօրինի ծագում ունեցող եւ բարեխիղճ ձեռքբերողների փոխանցված կամ չնույնականացված դրամական միջոցների հանրագումար, 1.286.635.500 ՀՀ դրամ՝ որպես Հունաստանի Միկոնոս կղզու Անո Մերա կոչվող տարածքում գտնվող առանձնատան ձեռքբերման (կառուցման) արժեք, 416.084.506 ՀՀ դրամ՝ որպես տանզանական «Փլեյմաստեր գեյմինգ քորփորեյշն» ընկերության մասնակցության ձեռքբերման արժեք, 1.958.657.659 ՀՀ դրամ՝ որպես տանզանական «ՄՄՋ Գոլդ Լիմիթեդ» ընկերության մասնակցության ձեռքբերման արժեք: Ու այսքանից հետո՝ այս մարդիկ զարմանում են, թե ինչո՞ւ իրենց հետեւից ժողովուրդը չի գնում: Այսքան ունեցվածք դիզած ընդդիմադիրը վաղն ինչպե՞ս է խոսելու արդարությունից: Հետո էլ զարմանում են, թե ինչո՞ւ է ժողովրդի մոտ կարծիք ձեւավորվել, որ Արցախը թալանել ու կերել են:

Անվտանգության խորհրդի քարտուղար ԱՐՄԵՆ ԳՐԻԳՈՐՅԱՆԸ հերթական անգամ փայլատակել է աբսուրդային հայտարարությամբ: «Պետք է ավելի ճկուն լինենք. կարող ենք ցորենից անցնենք բրնձի, որ թույլ չտանք թիրախավորել մեր ռազմավարական պաշարները», - ասել է նա: Քաղաքական մեկնաբան Արման Աբովյանն արձագանքելով վերոնշյալին՝ գրում է. «Բրինձ ` հացի փոխարեն։ Ցուրտ ձմեռ` գազի փոխարեն։ Պատերազմ` խաղաղության փոխարեն։ Ուրի՞շ»: Եվ, իսկապես, ուրիշ էլ ի՞նչ են բերելու ազգի գլխին այսպիսի պաշտոնյաները: Իսկ որ բերելու են, հաստատ է: Հիշո՞ւմ եք, որ 44 -օրյա պատերազմից առաջ ինչ ջերմեռանդ թեքահարթակների կռիվ էին տալիս: Արդեն պատերազմից հետո պիտի պարզ լիներ, որ մեր երիտասարդները տասնյակներով հայտնվելու են սայլակների վրա: Հիմա էլ հացի փոխարեն բրինձ ուտել են գովազդում: Կարո՞ղ է հիմա էլ սովն է չոքելու մեր դռանը:

Զարմացած է «Իրավունք»-ը

Այս թեմայով Թուրքիայի Ազգային անվտանգության խորհրդի նիստում քննարկվել է Ադրբեջանի և Հայաստանի միջև խաղաղության գործընթացը Ռուսաստանը անվտանգության բուֆերային գոտի կստեղծի Ուկրաինայի հետ սահմանին. Պուտին Լռությունը վկայում է մի ճշմարտության մասին՝ քաղաքական ուղեգիծը կոլապսի մեջ է Շնորհավոր Ձեր մասնագիտական տոնը մեր օրերի Վնասվածքաբանության գուրու Արմեն Գերասիմովիչ Երկրորդ նախագահը փաստացի մերժեց ներընդդիմադիր «հրադադարի» մասին երրորդ նախագահի առաջարկությունը