Ալեքսանդր Պետրակովը հեռացվել է Հայաստանի ազգային հավաքականի գլխավոր մարզչի պաշտոնից

Ֆուտբոլի Հայաստանի ազգային հավաքականի գլխավոր մարզիչ Ալեքսանդր Պետրակովը հեռացվել է զբաղեցրած պաշտոնից, հաղորդում է ՀՖՖ մամուլի ծառայությունը։

Հայաստանի ֆուտբոլի ֆեդերացիան նման որոշում է կայացրել Ազգերի լիգայի C դիվիզիոնի չորրորդ խմբի չորրորդ տուրում Հյուսիսային Մակեդոնիայի հավաքականից 0-2 հաշվով կրած տնային պարտությունից հետո։ 

Ուկրաինացի մասնագետը 2023թ․ հունվարից էր գլխավորում Հայաստանի հավաքականը, որը նրա գլխավորությամբ անցկացրել է 18 հանդիպում, տարել 4 հաղթանակ, կրել 10 պարտություն ու գրանցել 4 ոչ-ոքի։

Ազգերի լիգայի C դիվիզիոնի չորրորդ խմբում Հայաստանի հավաքականը չորս խաղից հետո չորս միավորով երկրորդն է և կորցրել է խմբում առաջին տեղ գրավելու շանսերը։ Հայաստանի հավաքականն Ազգերի լիգայում հաջորդ հանդիպումը կանցկացնի նոյեմբերի 14-ին՝ ընդունելով Ֆարերյան կղզիներին։ Այդ խաղից երեք օր անց հայ ֆուտբոլիստները մրցաշարը կավարտեն Լատվիայի հավաքականի դեմ արտագնա հանդիպումով։

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Մաղթում ենք խաղաղ կյանք և բարգավաճում․ ՀՀ-ում ՌԴ դեսպանությունը շնորհավորել է Հայաստանի ժողովրդին Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք ՇՏԱՊ. Հայաստանի կառավարությունը վարձել է արեւմտյան լոբբիստական գործակալություն Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար