Ազգերի լիգա. Հայաստանի հավաքականը հրաշալի խաղակեսից հետո գոլեր ընդունեց ու պարտվեց Հյս. Մակեդոնիային(տեսանյութ)

Ֆուտբոլի Ազգերի լիգայի C դիվիզիոնի չորրորդ խմբի չորրորդ տուրում Հայաստանի ազգային հավաքականը Երևանում 0-2 հաշվով պարտվեց Հյուսիսային Մակեդոնիայի հավաքականին։ 

Վազգեն Սարգսյանի անվան «Հանրապետական» ստադիոնում կայացած հանդիպման առաջին խաղակեսում Հայաստանի հավաքականը հրաշալի խաղ ցուցադրեց եւ շատ լավ հնարավորություններ ունեցավ գրավելու մրցակցի դարպասը, ինչը սակայն չհաջողվեց։ Հայաստանի հավաքականի ակտիվ խաղի արդյունքում մրցակիցն անգամ զրկված էր հարված կատարելու հնարավորությունից, սակայն երկրորդ խաղակեսում պատկերը փոխվեց։

Հայ ֆուտբոլիստները ակտիվ սկսեցին երկրորդ խաղակեսն ու սկզբնամասում կարող էին բացել հաշիվը։ Այս անգամ Արթուր Միրանյանի հարվածից հետո հյուրերին գոլից փրկեց դարպասապահ Ստոլե Դիմիտրիևսկին։
Ընդմիջումից հետո Հյուսիսային Մակեդոնիայի հավաքականը սկսեց ավելի ակտիվ գործել։ 

72-րդ րոպեին մակեդոնացիները բացեցին հաշիվը։ Դարպասը գրավեց իսպանական «Ժիրոնայի» հարձակվող Բոյան Միյովսկին, 85-րդ րոպեին հյուրերը խփեցին նաև երկրորդ գոլը։ Տպավորիչ հարվածով խաղի վերջակետը դրեց ռումինական «Սեպսիի» կիսապաշտպան Իսնիկ Ալիմին։

Հյուսիսային Մակեդոնիայի հավաքականը վաստակեց 10 միավոր և վստահորեն գլխավորում է Ազգերի լիգայի C դիվիզիոնի չորրորդ խմբի մրցաշարային աղյուսակը։ Հայաստանի հավաքականը 4 միավորով երկրորդն է, Լատվիան ունի 3, իսկ Ֆարերյան կղզիները՝ 2 միավոր: 

Հայաստանի հավաքականն Ազգերի լիգայում հաջորդ հանդիպումը կանցկացնի նոյեմբերի 14-ին՝ ընդունելով Ֆարերյան կղզիներին։ 

Հայաստան – Հյուսիսային Մակեդոնիա` 0-2 (տեսանյութ)

Այս թեմայով Սուպերհամակարգիչը կանխատեսել է Չեմպիոնների լիգայի հաջորդ չեմպիոնին «Ինտերի» մրցակիցները` Չեմպիոնների լիգայի խաղարկության լիգայի փուլում Չեմպիոնների լիգա. 32 ակումբ նվաճել է հիմնական փուլի ուղեգիր Բնությունը երբեք չի ճանաչել բացառություններ. Արցախցի փաստաբանը ազգային մարտահրավերների մասին Արթուր Սերոբյանի շքեղ գոլը Չեմպիոնների լիգայի խաղում (տեսանյութ)