Եթե շրջես կտավը, ապա հակառակ կողմում կտեսնես կոդերը. Շակարտ

Այն, որ տաղանդավոր նկարիչներն ու ստեղծագործողները մեր մշակույթի կրողն ու փոխանցողներն են, դա անքննարկելի է, բայց այն, որ բժիշկը որոշում է նկարել՝ այն էլ «հիպեռալիզմ» ոճի մեջ, արդեն հետաքրքիր է: Շանթ Կարապետյանի սերը դեպի արվեստն ու մշակույթն այնքան մեծ է, որ նրա կտավները բժշկական ճշգրտությամբ նկարագում են կնոջն իր բնությամբ,  մեղմությամբ եւ անհատականությամբ:

Օրերս տեղի ունեցավ նկարիչ ՇԱԿԱՐՏԻ՝ Շանթ Կարապետյանի երրորդ անհատական ցուցահանդեսի բացումը։ Ցուցահանդեսի թեման կինն էր եւ կրում էր «Եվա» խորագիրը: Շակարտի կտավների առանձնահատկությունը նրանում է, որ կտավների մեծ մասը իրենց մեջ ունեն կոդեր եւ ինչպես հեղինակն է ասում. «Եթե շրջես կտավը, ապա հակառակ կողմում կտեսնես կոդերը»:

Ցուցահանդեսի ընթացքում հանդիսավոր կերպով ցուցադրվեցին միստիկ կտավներ: Հատկապես բոլորի ուշադրությանն արժանացավ ցուցասրահի զարդը՝ «Լիլիթը»: Միայն «Լիլիթ» կտավը նկարիչը նկարել է առանց բնորդուհու՝ ինքն է ստեղծել դիմագծերը եւ ներկայացրել կատարյալ կին՝ ինչպես առասպելում է, նրան տալով իբրեւ միստիկ, կատարյալ, կրակոտ կնոջ պատկեր։

«Այս կտավը կոդավորված է, եթե կտավը շրջես գուցե գտնես մի քանի ծածկագիր», - փակագծեր է բացում Շակարտը: Նկարիչը ներկայացրել է մոտ 40 կտավ կնոջ մասին։

«Ես կապ չունեմ կնոջ այս ամենի հետ՝ բնությունն է ձեզ ստեղծել կատարյալ: Ես պարզապես այն փոխանցում եմ կտավներիս»,- ասում է Շակարտը եւ ավելացնում, որ կինը իր տեսակով բացառիկ է, թե կառուցվածքով, թե նրբագեղությամբ:

Հիշեցնեք, որ նկարչի առաջին ցուցահանդեսը տեղի է ունեցել 2021 թվականին՝ Հայաստանում, իսկ երկրորդը՝ 2022 թվականին՝ Վենետիկում։

Ի դեպ, բլորովին վերջերս նկարիչ Շակարտը դարձել է հակերների հարձակման զոհ: Վերջիններիս «թեթեւ ձեռքով» փակվել են նրա երկու սոցցանցային էջերը, որտեղ կային 40.000 եւ ավելի հետեւորդներ, կարեւոր հարցազրույցներ եւ բազում հեղինակային աշխատանքների նկարներ:

Մեզ մնում է հաջողություն մաղթել նկարիչ Շակարտին եւ ցանկանալ բազում «Լիլիթ»-ներ ու հետաքրքիր՝ կոդավորումներով լի կտավներ, որոնք իսկապես հետաքրքիր են իրենց տեսակի մեջ:

ՆԱՆԱ ՍԱՐԳՍՅԱՆ

Այս թեմայով Ի՞նչ են քննարկել «Ուժեղ Հայաստան»-ի եւ «Հայաստան»-ի ղեկավարները Երեւանն արդեն շատ մեծ է, դրա համար չվում են Տիգրանաշեն․ ԸՆԿԵՐ ՓԱՆՋՈՒՆԻ Ռուսները նստան պոեզ, Մոսկվա գնացին, «Ուժեղ Հայաստանի» հայերը անտեր ու դուս պատերի տակ մնացին․ ԸՆԿԵՐ ՓԱՆՋՈՒՆԻ Բանտերում գտնվող ընդդիմադիր լիդերները դուրս կգան բանտից, իսկ ով արժանի է բանտում լինելու՝ կլինի բանտում. Կարապետյան ԱԳՆ-ն միայն առևտուր ա արել վերջին տարիներին, բայց ապրանքը հայկական հողերն են եղել. Կարապետյան